គីមឈី ជាអាហារដ៏ល្បីរបស់ប្រជាជនកូរ៉េ មានស្ពៃ ខ្ទឹមបារាំង ខ្ទឹមស ទឹកត្រី និងម្ទេស ដែលសម្បូរដោយ Prebiotic ជួយដល់ Probiotic ដែលជាបាក់តេរីល្អ នៅក្នុងពោះវៀនរបស់យើង។ ប៉ុន្ដែ ពេលនេះ អ្នកវិទ្យាសាស្ត្រ រកឃើញថា គីមឈីអាចជួយឲ្យសក់ដុះឡើងវិញ ដែលជាដំណឹងល្អមួយសម្រាប់អ្នកមានបញ្ហាជ្រុះសក់ច្រើន ឬទំពែក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអ្នកវិទ្យាសាស្ត្រ នៅសាកលវិទ្យាល័យ Dankook របស់ប្រទេសកូរ៉េខាងត្បូង បញ្ជាក់ថា ការផឹកទឹកគីមឈី (លក់នៅប្រទេសកូរ៉េខាងត្បូង) ជួយពង្រឹងសក់ និងបណ្ដុះសក់ថ្មីបាន។ ពួកគេបានសិក្សា លើមនុស្ស ២៣នាក់ ដោយមួយចំនួន មានបញ្ហាជ្រុះសក់នៅដំណាក់កាលដំបូង និងមួយចំនួនទៀត មានបញ្ហាជ្រុះសក់សឹងអស់ទៅហើយ។ មនុស្ស ២៣នាក់នេះ បានផឹកទឹកគីមឈី មុនញ៉ាំអាហារពេលព្រឹក និងមុនចូលគេងពេលយប់។
រយៈពេល ១ខែក្រោយមក សក់ជាមធ្យមដែលបានដុះឡើងវិញ មានប្រមាណ ៨៥%/សង់ទីម៉ែត្រការ៉េ នៃស្បែកក្បាល ហើយសក់បានដុះរហូតដល់ ៩២%/សង់ទីម៉ែត្រការ៉េ ក្នុងរយៈពេល ៤ខែ នៃការសិក្សា។
អ្នកវិទ្យាសាស្ត្រ បញ្ជាក់ថា នេះជាការកើនឡើងគួរឲ្យកត់សម្គាល់ ដែលបានលេចឡើងបុរសភាគច្រើន ដែលមានបញ្ហាជ្រុះសក់។ បច្ចុប្បន្នឱសថជួយបណ្ដុះសក់ជាច្រើន បង្កផលប៉ះពាល់យ៉ាងខ្លាំង ដូច្នេះការប្រើប្រាស់ឱសថទាំងនោះ អាចធ្វើឡើងជាបណ្ដោះអាសន្នប៉ុណ្ណោះ។ អ្នកវិទ្យសាស្ត្រ ថា គីមឈី ជាមធ្យោបាយព្យាបាលប្រកបដោយសុវត្ថិភាពមួយសម្រាប់អ្នកជំងឺ ដោយសារវាជួយដល់កំណើនសក់ និងការដុះសក់ឡើងវិញសម្រាប់អ្នកមានបញ្ហាទំពែក និងមិនបង្កផលប៉ះពាល់ដូចឱសថទេ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
Bong I.T