សំណង់នៃអាគារគម្រោងខុនដូកម្រិតផ្កាយ៥ «The Flora Suites» ដែលមានកម្ពស់៣៨ជាន់ នឹងបង្ហាញខ្លួននាពេលឆាប់ៗ នៅក្នុងសង្កាត់បឹងកេងកងទី១ ខណ្ឌចំការមន!

«គម្រោង The Flora Suites ថ្មីប្រណិត ស៊ីវិល័យ ដោយយកលំនាំបែបលោកខាងលិចនេះ និងចាប់ផ្តើមសាងសង់នៅពាក់កណ្តាលឆ្នាំក្រោយ ដែលមានទំហំអគារសរុប 20,786 m² ដោយប្រើពេលសាងសង់ប្រមាណ២ ទៅ ៣ឆ្នាំ មានកម្ពស់ ៣៨ ជាន់ និងមាន ១៩៨ យូនីត រចនាម៉ូតបែបទំនើប បំពាក់ទៅដោយកញ្ចក់ហ៊ុពទ្ធ័ជុំវិញអគារ ដែលអាចឱ្យអ្នករស់នៅមើលឃើញនូវទេសភាពជុំវិញទីក្រុងបានយ៉ាងល្អ ពិសេសទេសភាពទីក្រុងភ្នំពេញពេលថ្ងៃរៀបលិចយ៉ាងច្បាស់ទៀតផង»។ 

«គម្រោង The Flora Suites នេះ គឺជាផលិតផលថ្មីសន្លាងនៃការខិតខំប្រឹងប្រែងរបស់ឌឹផ្លរ៉ា សម្រាប់បំពេញនូវតម្រូវការទីផ្សាររបស់ព្រះរាជាណាចក្រកម្ពុជា ហើយនេះជាឱកាសរបស់គ្រួសារដឹផ្លរ៉ា ក្នុងការបំពេញស្នាដៃក៏ដូចជាបម្រើប្រជាជនកម្ពុជា និងជាការលើកមុខមាត់របស់ប្រទេសយើងដែរ»។ 

«ជាក្រុមហ៊ុនវិនិយោគលើអចលនទ្រព្យក្នុងស្រុកមួយ ដែលធ្វើការផ្គត់ផ្គង់ផ្ទះទៅតាមតម្រូវការជាក់ស្តែងរបស់អតិថិជនគ្រប់ស្រទាប់វណ្ណៈក្នុងព្រះរាជាណាចក្រកម្ពុជា ជាមួយនឹងការសាងសង់អគារលំនៅដ្ឋានតាមរយៈបុរីដ៏ទំនើបបំផុត ដែលមានការរចនាម៉ូតបែបខ្មែរ និងអឺរ៉ុបរួមបញ្ចូលគ្នា យើងយកចិត្តទុកដាក់យ៉ាងខ្លាំងក្នុងការវិនិយោគបែបអឺរ៉ុប ភ្ជាប់នូវបច្ចេកវិទ្យាចុងក្រោយ ដែលផ្តល់ឲ្យអតិថិជនយើងទទួលបាននូវផលិតភាពក្នុងការរស់នៅដោយសម្បូរបែប ដោយនៅជាន់ទី៧នៃខុនដូឌឹផ្លរ៉ាស្វីត មានក្លឹបហាត់ប្រាណ អាងហែលទឹក កន្លែងស្ទីម សោណា យូហ្គា និងកន្លែងសម្រាប់ក្មេងលេង។ នៅជាន់ទី៣៦ មាន Sky Club ដែលមានជាភោជនីយដ្ឋានលំដាប់អន្តរជាតិ ហាងកាហ្វេ បន្ទប់ប្រជុំ ដែលអតិថិជនដែលស្នាក់ នៅអាចពិភាក្សា ការងារផ្សេងបាន ដោយមិនចាំបាច់ចេញក្រៅ។ ចំណែកឯនៅជាន់ទី៣៧ មាន Sky Bar ដែលអាចទទួលទានអាហារ ខណៈនៅជាន់ទី៣៨ មាន Sky Restaurant គឺជាភោជនីយដ្ឋាន ដែលស្ថិតនៅជាន់កំពូលនៃអាគារ ដែលអាចមើលទេសភាពរាជធានីភ្នំពេញ និងទន្លេមេគង្គ និងគយគន់ទេសភាពថ្ងៃលិចបានយ៉ាងស្អាត»។ 

«ចំណុចពិសេស The Flora Suites នេះគឺបញ្ជាក់ពីភាពអភិជន ភាពទាន់សម័យ និងការរស់នៅដ៏សម្បូរបែប។ គម្រោងនេះ និងបើកលក់ជាផ្លូវការសម្រាប់អតិថិជនទូទៅក្នុងពេលឆាប់ៗខាងមុខនេះ ដោយបែងចែកជាយូនីតខុសៗគ្នាមានតម្លៃចាប់ពី១០ម៉ឺនដុល្លាឡើងទៅ»។