អាមេរិក៖ នារាត្រីដ៏អស្ចារ្យនៃកម្មវិធីប្រគល់ពានរង្វាន់ដ៏ធំប្រចាំឆ្នាំ « The American Music Awards ឆ្នាំ២០១៩» ហៅកាត់ថា «AMAs» កាលពីយប់មិញនេះ យើងសង្កេតឃើញថា មានសុទ្ធសឹងតែវត្តមាន កំពូលតារាចម្រៀងប្រុសស្រីល្បីៗប្រចាំឆ្នាំ ឡើងមកបង្ហាញការសម្តែង ក៏ដូចជាទទួលពានរង្វាន់ដ៏ធំធេង និងមានតម្លៃបំផុតសម្រាប់ពួកគេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែង កាលពីយប់មិញនេះផងដែរ តារាចម្រៀងស្រីល្បីល្បាញកញ្ញា Taylor Swift ក៏បានចូលរួមបង្ហាញការសម្តែងដ៏អស្ចារ្យ នៅក្នុងកម្មវិធី «AMAs» នេះផងដែរ មិនតែប៉ុណ្ណោះ នាងថែមទាំងបានឈ្នះនូវពានរង្វាន់រហូតដល់ទៅ ៦ ត្រឡប់ទៅផ្ទះវិញយ៉ាងរំភើបចិត្តថែមទៀតផងដែរ។
ជាការពិតណាស់ តារាចម្រៀងស្រីវ័យ២៩ឆ្នាំរូបនេះ បានឈ្នះពានរង្វាន់ពីកម្មវិធី«AMAs» ចំនួន៦ ដោយទី១ គឺពានរង្វាន់ «Favorite Album - Pop/Rock ប្រចាំឆ្នាំ ២០១៩ » ពានរង្វាន់ទី២ គឺជាពានរង្វាន់តារាប្រចាំទសវត្សរ៍ឆ្នាំ២០១៩ «Artist of the Decade at the ២០១៩» ពានរង្វាន់ទី៣គឺ «Favourite Female Artist -Pop/Rock» ពានរង្វាន់ទី៤គឺ «Favourite Artist- Adult Contemporary» ពានរង្វាន់ទី៥គឺ «Favourite Music Video» និងពានរង្វាន់ចុងក្រោយគឺ «Artist of The Years ឆ្នាំ២០១៩» ។
ដោយឡែក អ្វីដែលកាន់តែធ្វើឲ្យប្រិយមិត្តទស្សនិកជន មានការចាប់អារម្មណ៍ជាងនេះទៅទៀតនោះ គឺម៉ូតសម្លៀកបំពាក់ដែល Taylor Swift ស្លៀកឡើងទទួលពានរង្វាន់កាលពីយប់មិញនេះ គឺពិតជាមានភាពស្រស់ស្អាតប្លែកភ្នែកខ្លាំង ពោលគឺពោរពេញទៅដោយពណ៌ទឹកមាសភ្លឺចែងចាំង សាកសមទៅនឹងឈ្មោះជាតារាចម្រៀងកំពូល ក្នុងដួងចិត្តមិត្តៗយុវវ័យទូទាំងពិភពលោកមិនខុសពិតមែន៕