ភ្នំពេញ៖ រយៈពេលប៉ុន្មានឆ្នាំមកនេះ ឃើញថាតារាកំប្លែងស្រីដ៏មានប្រជាប្រិយភាព ស្រីលាភ កាន់តែមានក្តីសុខ និងសុភមង្គលខ្លាំងឡើង ជាមួយនឹងកូនភ្លោះជាទីស្រលាញ់ ស្របពេលដែលការងារសិល្បៈក៏កាន់តែអំណោយផលកាន់តែខ្លាំងឡើងគួរឲ្យកត់សម្គាល់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែងកាលពីពេលថ្មីៗនេះ តារាស្រីរូបនេះ បានធ្វើការរៀបចំកម្មវិធីខួបកំណើតគម្រប់ខួប២ឆ្នាំដល់កូនភ្លោះ ជាទីស្រលាញ់ក្រោមដំណក់ឈាម នឹងតារាកំប្លែងប្រុស នាយក្រឹម ក៏ដូចជាគ្រួសារពោរពេញដោយក្តីសុខ និងស្នាមញញឹមយ៉ាងមានសុភមង្គលតែម្តង។
រាល់សកម្មភាពទាំងនេះ ឃើញថាគ្រួសារនេះ ទោះបីជាធ្វើបែបសាមញ្ញាមិនធំដុំពេកយ៉ាងណាក្តី តែមើលទៅពិតជាមានក្តីសុខ និងសុភមង្គលយ៉ាងខ្លាំងតែម្តង ស្របពេលដែលកូនៗកាន់តែធំឡើង។
ទន្ទឹមនឹងថ្ងៃដ៏មានក្តីសុខរបស់គ្រួសារនេះ បានធ្វើឲ្យអ្នកគាំទ្រជាច្រើន ក៏បាននាំគ្នាចូលរួមជូនពរកូនមាស កូនពេជ្ររបស់តារាមួយគូនេះនៅក្នុងថ្ងៃកំណើតផងដែរ៕
សូមទស្សនារូបភាពខាងក្រោមនេះ៖