ភ្នំពេញ៖ មហាទុក្ខដ៏ធំធេងសម្រាប់ប្រជាជនខ្មែរ ក្រោយបានបាត់បង់នូវសម្ដេចរាជបុត្រី ព្រះរៀម នរោត្តម បុប្ផាទេវី ដែលសឹងតែពេញមួយជីវិតទ្រង់បានថែរក្សា ការពារក៏ដូចជាលើកស្ទួយនូវសម្បត្តិវប្បធម៌ខ្មែរ ជាពិសេសគឺរបាំខ្មែរ បន្សល់ទុកឲ្យកូនចៅជំនាន់ក្រោយបានដឹង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅក្នុងថ្ងៃនេះដែរ ព្រះសពរបស់សម្ដេចរាជបុត្រី ព្រះរៀម នរោត្តម បុប្ផាទេវី ត្រូវដង្ហែពីវត្ដបទុមវតីរាជវរារាម ឆ្ពោះទៅកាន់ព្រះមេរុ នៅឯមុខវត្ដបទុមវតីរាជវរារាម ដើម្បីរៀបចំពិធីបូជា នៅព្រឹកថ្ងៃទី២៥ ខែវិច្ឆិកានេះហើយ។ ខណៈពេលដែលមានមហាជនជាច្រើន ពិតជាក្តុកក្តួល និងសោកស្តាយក្រៃលែង។
ជាមួយគ្នានេះដែរ ក៏ឃើញមានការលេចឡើងវីដេអូចម្រៀងមួយ ដោយច្រៀងដោយអ្នកនាង សុគន្ធ និសា ក្រោមអត្ថន័យយ៉ាងជ្រាលជ្រៅខ្លាំង ជាមួយនឹងការចូលរួមរំលែកទុក្ខ គោរពវិញ្ញាណក្ខ័ន្ធ ដោយក្តីនឹករលឹក និងសោកស្តាយពន់ពេក ចំពោះការបាត់បង់ទ្រង់។
ទន្ទឹមនឹងចម្រៀងមួយនេះ បានធ្វើឲ្យបណ្តាអ្នកគាំទ្រជាច្រើនពេញចិត្ត និងសរសើរពីទឹកដម ក៏ដូចជាការច្រៀងរបស់នាង ពិតជាមានអត្ថន័យជ្រាលជ្រៅខ្លាំងគួរឲ្យសរសើរ ជាពិសេសក្រោយពីបានស្តាប់ធ្វើឲ្យមហាជនជាច្រើនពិតជាក្តុកក្តួលក្នុងចិត្តយ៉ាងខ្លាំង៕
សូមទស្សានរូបភាពខាងក្រោមនេះ៖