យន្តហោះដឹកអ្នកដំណើរមួយគ្រឿងបានធ្លាក់ចំផ្ទះប្រជាពលរដ្ឋនិងបានសម្លាប់មនុស្សជាង១៧នាក់

//s5.kh1.co/fb/fbbe12d4d6628a78b9b4654d793593b9433c4593.jpg
សង្គម

 ២៥-វិច្ឆិកា-២០១៩ ៩ព្រឹក · ៤ ឆ្នាំមុន

កុងហ្គោ៖ បើតាមអាជ្ញាធររបស់សាធារណរដ្ឋប្រជាធិបតេយ្យកុងហ្គោបានឲ្យដឹង យន្តហោះមួយគ្រឿងដឹកអ្នកដំណើរប្រហែលជា១៧នាក់បានធ្លាក់និងបុករះផ្ទះរបស់ប្រជាពលរដ្ឋអស់ជាច្រើនខ្នង នេះបើយោងតាមការចុះផ្សាយសារព័ត៌មាន CNN។ យន្តហោះមួយគ្រឿងដែលគ្រប់គ្រងដោយក្រុមហ៊ុនអាកាសចរឯកជនមួយដែលមានឈ្មោះថា Busy Bee បានហោះផ្លោងសំដៅទៅកាន់ផ្ទះប្រជាពលរដ្ឋនៅសង្កាត់ Mapendo ក្នុងក្រុង Goma ភ្លាមៗបន្ទាប់ពីវាចេញដំណើរកាលពីព្រឹកថ្ងៃអាទិត្យម្សិលមិញ នេះបើយោងតាមសេចក្ដីថ្លែងការរបស់អភិបាលខេត្តគឺលោក Nzanzu Kasivita Carly។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
មនុស្សជាច្រើនកំពុងចោមរោមនៅកន្លែងកើតហេតុ
មនុស្សជាច្រើនកំពុងចោមរោមនៅកន្លែងកើតហេតុ

លោក Carly បានបន្តទៀតថាអាជ្ញាធរកំពុងតាមដានលំអិតនៃហេតុការណ៍ធ្លាក់យន្តហោះនេះហើយភ្លាមៗនៅមិនទាន់ដឹងពីចំនួននៃការខូចខាតនៅឡើយទេ។ គ្រោះថ្នាក់នៃការធ្លាក់យន្តហោះតែងតែកើតមានជាញឹកញាប់នៅសាធារណរដ្ឋប្រជាធិបតេយ្យកុងហ្គោ។ ភ្នាក់ងារអាកាសចររបស់ប្រទេសកុងហ្គោគឺមិនត្រូវបានអនុញ្ញាតឲ្យធ្វើការហោះហើរលើដែនអាកាសរបស់សហភាពអឺរ៉ុបឡើយ ដោយសារតែមានការព្រួយបារម្ភទៅលើសុវត្ថិភាពនិងបទដ្ឋាននៅមានភាពទន់ខ្សោយ។ សារព័ត៌មាន CNN​ មិនអាចសុំការស្រាយបំភ្លឺពីក្រុមហ៊ុនអាកាសចរ Busy Bee បានទេ៕

Chhen Hangly
H.L

អត្ថបទទាក់ទង

//s9.kh1.co/c0/c0775fdde67a0c3b2c616c6bc33e23f179bbf1a4.png

នាឱកាសបុណ្យចូលឆ្នាំខ្មែរខាងមុខ រដ្ឋបាលរាជធានីភ្នំពេញ នឹងដាក់ឱ្យប្រើប្រាស់ ជាបណ្តោះអាសន្នស្ពានអាកាស «មរតកតេជោ» ដើម្បីជួយសម្រួល ដល់ការធ្វើដំណើររបស់ប្រជាពលរដ្ឋ

 ២៩-មីនា-២០២៤ 
 ១០ព្រឹក · ១២ ម៉ោងមុន
//s9.kh1.co/69/6979169246f2271453d368556b205bb61a6118e7.png

ត្រៀមខ្លួនចូលរួមសប្បាយកម្សាន្តជាមួយ «សង្ក្រាន្តវត្តភ្នំ » នៅរមណីយដ្ឋានប្រវត្តិសាស្រ្តវត្តភ្នំ រយៈពេល០៤ថ្ងៃ ចាប់ពីថ្ងៃទី១៣ ដល់ ១៦ ខែមេសា ឆ្នាំ២០២៤

 ២៩-មីនា-២០២៤ 
 ៩ព្រឹក · ១៣ ម៉ោងមុន
រក្សាសិទ្ធិ Mediaload
Powered by Bong I.T Bong I.T