អបអរផង! Twice ក្លាយជាក្រុមចម្រៀងនារីទី១ក្នុងប្រវិត្តសាស្ត្រ Kpop ដែលលក់អាល់ប៊ុមបានច្រើនបំផុត!

កូរ៉េខាងត្បូង៖ នៅពេលនេះ ក្រុមចម្រៀងនារី Twice បានបំបែកកំណត់ត្រាថ្មីមួយទៀត ដោយបានជាប់ឈ្មោះក្លាយជាក្រុមចម្រៀងនារីដំបូងបង្អស់ ដែលទទួលបានការលក់អាល់ប៊ុមសុទ្ធច្រើនបំផុតប្រចាំប្រវត្តិសាស្រ្ត Kpop។

នេះបើយោងតាមតារាងស្ថិតិលក់អាល់ប៊ុម ប្រចាំប្រទេសកូរ៉េ និងជប៉ុនបានឲ្យឃើញថា អត្រាដែលក្រុមចម្រៀងនារី Twice បានលក់អាល់ប៊ុមចេញនោះ គឺបានរហូតដល់ទៅជាង ៧លានអាល់ប៊ុមឯណោះ ដែលជាចំនួនដែលច្រើនបំផុត បើធៀបទៅនឹងក្រុមចម្រៀងនារីផ្សេងៗនៅក្នុងប្រទេសកូរ៉េ។

ហើយនេះមិនមែនជាលើកទី១នោះទេ ដែលក្រុមចម្រៀងនារីស្រស់ស្អាត Twice ទទួលបានជោគជ័យមិនគួរឲ្យជឿ ទៅលើស្នាដៃចម្រៀងរបស់ពួកគេ។ ពោលគឺ កាលពីម្សិលមិញនេះ អាល់ប៊ុមជប៉ុនថ្មីដែលទើបនឹងចេញរបស់ពួកគេ បានហក់ឡើងលើចំណាត់ថ្នាក់កំពូល នៅក្នុងតារាងប្រចាំថ្ងៃរបស់ Oricon ថែមទៀតផងដែរ៕