រាជធានីភ្នំពេញ ៖ បុរសម្នាក់ត្រូវបានកម្លាំងនគរបាលប៉ុស្តិ៍ក្រាំងពង្រ ធ្វើការចាប់ខ្លួនតាមពាក្យបណ្ដឹងស្ត្រីម្នាក់ដែលបានប្ដឹងចោទប្រកាន់ថា បុរសនេះបានឱ្យលុយចៅស្រីគាត់១០ដុល្លារ រួចបានចាប់អូសដៃនាងចូលទៅក្នុងបន្ទប់ទឹកផ្សាររាត្រី បន្ទាប់មកបានធ្វើសកម្មភាពរំលោភរហូតបានសម្រេច និងគំរាមមិនឲ្យចៅយករឿងនេះប្រាប់គាត់ឡើយ។ ប៉ុន្តែអ្វីដែលបែកការណ៍ដឹងដល់ជីដូននេះ ដោយសារតែចៅស្រីមានការឈឺចាប់ប្រដាប់ភេទខ្លាំងបានអង្គុយយំ ហើយនៅពេលគាត់សួរនាំដោយមិនអាចទ្រាំបាន ទើបចៅស្រីនិយាយប្រាប់ ហើយគាត់ក៏បានប្ដឹងឲ្យនគរបាលជួយចាត់ការទៅលើជននេះតែម្ដង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ការចាប់ខ្លួននោះ បានធ្វើឡើងកាលពីវេលាម៉ោង៩ព្រឹកថ្ងៃទី២២ ខែវិច្ឆិកា ឆ្នាំ២០១៩ បុរីសាន់ស៊ីម៉ិច ស្ថិតនៅភូមិព្រៃសំព័រ សង្កាត់ក្រាំងពង្រ ខណ្ឌដង្កោ រាជធានីភ្នំពេញ ។ ជនសង្ស័យឈ្មោះ សាំ គ្រៀង ភេទប្រុស អាយុ ៤០ឆ្នាំ មុខរបរកម្មករ ស្នាក់នៅក្នុងបុរីខាងលើ ចំណែកក្មេងស្រីរងគ្រោះអាយុ១៣ឆ្នាំ ។
នគរបាលបានឲ្យដឹងថា ហេតុការណ៍ចាប់រំលោភនេះ បានកើតឡើងកាលពីវេលាម៉ោង៨ និង១០នាទីយប់ថ្ងៃទី២១ វិច្ឆិកា ដោយនៅខណៈនោះក្មេងស្រីរងគ្រោះបានទៅលេងផ្ទះអ្នកស្គាល់គ្នាចម្ងាយពីផ្ទះរបស់ខ្លួន ប្រហែល៣០០ម៉ែត្រ ។ លុះដល់ពេលកើតហេតុ បានបន្តដំណើរទៅលេងនៅផ្សាររាត្រី ដែលមានទីតាំងស្ថិតនៅភូមិនោះដែរ ហើយក៏បានជួបជនសង្ស័យឈ្មោះ សាំ គ្រៀង កំពុងដើរលេងក្នុងផ្សាររាត្រីនោះដែរ។ខណៈនោះជនសង្ស័យបានឲ្យលុយទៅនាងចំនួន១០ដុល្លារ រួចចាប់ទាញដៃនាងអូសចូលទៅក្នុងបន្ទប់ទឹកធ្វើសកម្មភាពរំលោភឈររហូតបានសម្រេច ហើយបានគំរាមមិនឲ្យក្មេងស្រីយករឿងរ៉ាវនេះទៅប្រាប់ជីដូននិងជីតារបស់នាងឡើយ។
ប្រភពដដែលបានបន្តថា ដោយខ្លាចជននេះធ្វើបាបនាងមិនហ៊ាននិយាយប្រលោកយាយឬលោកតានាងទេ ប៉ុន្តែរហូតមកដល់ថ្ងៃទី២២ ខែវិច្ឆិកា ឆ្នាំ២០១៩ វេលាម៉ោង៨ព្រឹក ដោយមានការឈឺចាប់ប្រដាប់ភេទយ៉ាងខ្លាំង នាងក៏បានអង្គុយយំនៅខាងមុខផ្ទះ។ពេលឃើញចៅស្រីអង្គុយយំដូចនេះ យាយបានធ្វើការជជីកសួរ ហើយដោយអត់ទ្រាំនិងការឈឺចាប់ និងលាក់មិនបានតទៅទៀត ទើបនាងបនិយាយរឿងរ៉ាវទាំងប៉ុន្មានប្រាប់យាយឲ្យបានដឹង ។ បន្ទាប់មកយាយបាននាំនាងទៅដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលក្រាំងពង្រដើម្បីឲ្យជួយអន្តរាគមន៍ ៕
ប្រភព៖ កោះសន្តិភាព
Bong I.T