កូរ៉េខាងត្បូង៖ កាលពីថ្មីៗនេះ ឃ្លីបវីដេអូខ្លីមួយ របស់តារាចម្រៀងស្រី Tiffany អំឡុងពេលដែលនាងកំពុងតែសម្តែងលើឆាក កំពុងតែក្លាយជាទីចាប់អារម្មណ៍យ៉ាងខ្លាំង នៅលើបណ្តាញទំនាក់ទំនងសង្គម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ តាមរយៈពេលវីដេអូខ្លីខាងក្រោមនេះ បានឲ្យឃើញថា ខណៈពេលដែល Tiffany កំពុងតែសម្តែងក្បាច់រាំនិងការច្រៀងយ៉ាងជក់ចិត្ត ទៅកាន់ទស្សនិកជនគាំទ្រ ស្រាប់តែនាងបានជួបហេតុការណ៍ដ៏សែនចៃដន្យមួយ សឹងតែមិននឹកស្មានដល់ នោះគឺនាងបានរបូតក្បាលមេក្រូចេញពីលើដៃរបស់នាង ធ្លាក់ចុះទៅលើឆាក។
ប៉ុន្តែអ្វីដែលកាន់តែគួរឲ្យចាប់អារម្មណ៍ជាងនេះទៅទៀតនោះ គឺដោយសារស្ថានការណ៍កើតឡើងភ្លាមៗពេក ធ្វើឲ្យ Tiffany ត្រូវហក់ស្ទុះទៅរើសក្បាលមេក្រូនោះឡើងមកវិញ ប៉ុន្តែជាសំណាងមិនល្អ នាងបានដួលអុកគូទផ្ងារក្រោយបះជើង តែតារាស្រីរូបនេះនៅតែមិនបោះបង់ចោល ការតាំងចិត្តរើសក្បាលមេក្រូដដែរ ពោលគឺនាងបានព្យាយាមរើសមេក្រូនោះ មកកាន់នៅនឹងដៃឲ្យទាល់តែបាន ហើយនាងក៏បានបន្តគេងច្រៀងធ្វើស្ទាយ៍លើកជើងលើកដៃ ប្រមាណជា៣វិនាទី ទើបនាងងើបមកឈរច្រៀងជាធម្មតាវិញ។
តួយ៉ាង បើទោះបីហេតុការណ៍មួយនេះ គឺជាហេតុការណ៍ដ៏ថ្មីចែសមួយដែលកម្រនឹងបានឃើញ តារា Kpop ធ្វើស្ទាយ៍រើសមេក្រូបែបនេះក្តី ប៉ុន្តែវាក៏បានធ្វើឲ្យមហាជនមានការផ្ទុះសំណើចកម្សាន្ត ជាមួយនឹងភាពក្រមិចក្រមើម និងភាពគួរឲ្យស្រលាញ់របស់តារាចម្រៀងស្រីវ័យ ៣០ឆ្នាំរូបនេះផងដែរ៕
កុំឲ្យខាតពេលយូរ តោះទស្សនាវីដេអួខាងក្រោម៖
វីដេអូដោយ៖ Troll SNSD Cambodia