ថាវរី កាន់តែស៊ិចស៊ីជាងមុន ខណៈវ័យកាន់តែទៅមុខ

ភ្នំពេញ៖ តារាសម្តែងស្រី ឡុង ថាវរី នៅតែអាចនិយាយបានថា នៅតែទទួលបានភាពល្បីល្បាញដដែល​ បើទោះបីជានាងមិនសូវអើតថតសម្តែង ខ្សែភាពយន្តដូចមុនក៏ដោយ មិនដឹងថា មកពីនាងមានភាពមមាញឹក​ជាមួយនឹង របររកស៊ីខាងក្រៅ ឬក៏បែបណានោះទេ។

ស្ងាត់សិល្បៈយ៉ាងណាក្តី តែឡុង ថាវរី នៅតែមិនធ្វើឲ្យហ្វេន អាក់អន់ស្រពន់ចិត្ត លើសម្រស់របស់នាងនោះទេ បើទោះបីជាអាយុកាន់តែរំកិលទៅមុខក៏ដោយ។ ដោយរូបនាង នៅតែអាចរក្សាភាពស្រស់ស្អាត បានដដែល គ្មានអ្វីខុសប្លែកគ្នា កាលនាងនៅក្មេងនោះឡើយ។

ប៉ុន្តែឆ្នាំ២០១៩នេះ គេសង្កេតឃើញថា តារាស្រីរូបនេះ ហាក់ដូចជាស៊ិចស៊ី ជាងមុនខ្លាំង ជាមួយការបញ្ចេញដើមទ្រូងទ្រលុកទ្រលន់របស់នាង ដែលធ្វើឲ្យមនុស្សម្នា ភ្លឹកមើលសម្រស់ដ៏សែនស៊ីអារម្មណ៍របស់ ថាវរី។

យ៉ាងណាមិញ វាជាការផ្លាស់ប្តូរ ពីតារាធ្វើខ្លួនសាមញ្ញ មកជាតារាស៊ិចស៊ី ដោយសារតែនាងជា តារាក្នុងកែវភ្នែករបស់មហាជន ដូច្នេះមិនអាចធ្វើខ្លួនដដែល សុំាភ្នែកគេឯងនោះទេ ត្រូវតែមានអ្វីថ្មីប្លែកជានិច្ច មិនថាសម្រស់ និងការតុបតែងខ្លួន៕