នាំគ្នាចាប់អារម្មណ៍ ពេលសង្សារចាស់ និងសង្សារថ្មីរបស់ Weir ប៉ះគ្នាលើកដំបូង ក្នុងកម្មវិធីតែមួយ!

ថៃ៖ កាលពីថ្ងៃទី២១ ខែវិច្ឆិកាម្សិលមិញនេះ តារាសម្តែងស្រីល្បីឈ្មោះពីររូបគឺ កញ្ញា Pancake Khemanit និងកញ្ញា Bella Ranee​ បានបង្ហាញវត្តមានព្រមគ្នាជាលើកដំបូង នៅក្នុងកម្មវិធីមួយ។

ទៀតសោត ការជួបគ្នាលើកដំបូងរបស់តារាស្រីទាំងពីរដួងនេះ​ ធ្វើឲ្យអ្នកគាំទ្រជាច្រើនមានការចាប់អារម្មណ៍យ៉ាងខ្លាំង ព្រោះ Pancake ធ្លាប់ជាអតីតសង្សារចាស់របស់លោក Weir Sukollawat ដែលត្រូវជាសង្សាររបស់ Bella នាពេលបច្ចុប្បន្ននេះ។ ពោលគឺ សង្សារចាស់ និងសង្សារថ្មីរបស់លោក Weir ជួបមុខគ្នាជាលើកដំបូង។ 

គួររំលឹកផងដែរថា បើគិតត្រលប់ទៅកាលពីប៉ុន្មានឆ្នាំមុន ធ្លាប់មានពត៌មានលេចលឺថា Pancake និង Weir​ មានទំនាក់ទំនងស្នេហាជាមួយគ្នា។ ប៉ុន្តែក្រោយមកមិនបានប៉ុន្មាន Weir​ ក៏បានចេញមុខផ្តល់បទសម្ភាសន៍ជាមួយអ្នកកាសែតថា លោកនិង Pancake បានចែកផ្លូវគ្នាហើយ ដោយសារបញ្ហាមិនចុះសម្រុងមួយចំនួន។

យ៉ាងណាមិញ ការចូលរួមកម្មវិធីជាមួយគ្នារបស់​ Pancake និង  Bella លើកនេះ អ្នកគាំទ្រសង្កេតឃើញថា ពួកគេទាំងពីរញញឹមរាក់ទាក់គ្នាដាក់ទៅវិញទៅមកធម្មតា ហើយថែមទាំងថតរូបជាមួយគ្នាទៀតផង។​ ម្យ៉ាងវិញទៀត ទំនាក់ទំនងរបស់ Pancake និង Weir គ្រាន់តែរឿងអតីត ដែលកន្លងហួសច្រើនឆ្នាំទៅហើយ។ សម្រាប់ពេលនេះ Pancakeក៏មានស្នេហាថ្មីយ៉ាងផ្អែមល្ហែម ចំណែកឯ Weir​ និង Bella វិញក៏ល្អូកល្អើនមិនចាញ់គ្នាដែរ៕

ចង់ជ្រាបច្បាស់ សូមទស្សនារូបភាពខាងក្រោម៖