រាជធានីភ្នំពេញ ៖ ស្ត្រីរងគ្រោះម្នាក់បានទុកម៉ូតូមួយគ្រឿងម៉ាកស៊ុយស៊ូគីនិចទុកនៅក្នុងខុនដូរមួយកន្លែងយីហោបាលីក៏ត្រូវជនសង្ស័យ២នាក់ជាជនជាតិចិនលួចកាច់.កម៉ូតូបានសម្រេចយកទៅបាត់ដោយសុវត្ថិភាពបានមួយថ្ងៃត្រូវបានសមត្ថកិច្ចចាប់ខ្លួន ដែលហេតុការណ៍នេះបានកើតឡើងកាលពីវេលាម៉ោង11នឹង30នាទីយប់ ថ្ងៃទី20 ខែវិច្ឆិកា ឆ្នាំ2019តាមបណ្តោយផ្លូវ214នៅចំណុចក្បែរនឹងខារ៉ាអូខេX2 ស្ថិតនៅក្នុងសង្កាត់បឹងរាំង ខណ្ឌដូនពេញ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជនសង្ស័យដែលឃាត់ខ្លួនបានមាន ទី១-ឈ្មោះ WANG YIN ភេទប្រុស អាយុ២៨ឆ្នាំ ជនជាតិចិន ស្នាក់នៅសណ្ឋាគារឋានសួគ៍ ផ្លូវ២១៤ សង្កាត់បឹងរាំង ខណ្ឌដូនពេញ ភ្នំពេញ គ្មានលិខិតឆ្លងដែន មុខរបរគ្មាន ជាអ្នកធ្វើសកម្មភាពកាច់កម៉ូតូ និងទី២-ឈ្មោះ LI JIAXIN ភេទប្រុស អាយុ១៧ឆ្នាំ ជនជាតិចិន ស្នាក់នៅមិនពិតប្រាកដ គ្មានលិខិតឆ្លងដែន មុខរបរគ្មាន ។
តាមប្រភពព័ត៌មានពីជនរងគ្រោះម្នាក់មានឈ្មោះ កង លីតា ភេទស្រី អាយុ21ឆ្នាំ ស្នាក់នៅសង្កាត់គោកឃ្លាំង ខណ្ឌសែនសុខ បានឱ្យដឹងថាមុនពេលកើតហេតុខាងលើនេះម៉ោង8ព្រឹក ថ្ងៃទី19 ខែវិច្ឆិកា ឆ្នាំ2019 គាត់បានចេញមកពីផ្ទះគោលបំនងទៅកន្លែងធ្វើការនៅខុនដូរផ្លូវកៅស៊ូថ្មី ភូមិ14 សង្កាត់ទន្លេបាសាក់ ខណ្ឌចំការមន យីហោឈ្មោះ បាលីN1 ។
លុះពេលបានមួយសន្ទុះក្រោយមកក៏មានជនសង្ស័យ២នាក់ជាជនជាតិចិនជិះម៉ូតូមួយគ្រឿងម៉ាក Zoomer-X ពណ៌ទឹកបិច ពាក់ផ្លាកលេខ ភ្នំពេញ 1GD-5134 បានជិះមកធ្វើសកម្មភាពលួចកាច់.កម៉ូតូមួយគ្រឿងម៉ាកស៊ុយស៊ូគីនិច ពណ៌ក្រហម ពាក់ផ្លាកលេខ ភ្នំពេញ DF2129 បានសម្រេចហើយជិះរត់គេចខ្លួនបាត់ស្រមោល ។
លុះពេលមកដល់ថ្ងៃទី20 វិច្ឆិកា ម៉ោងកើតហេតុខាងលើនេះដោយសារតែម៉ូតូដែលបាត់នេះជាម៉ូតូរបស់ប្រពន្ធសមត្ថកិច្ចម្នាក់ទទួលផែនព្រហ្មទណ្ឌទើបគាត់ជិះស្រាវជ្រាវរកឃើញជនសង្ស័យទាំង៣នាក់កំពុងតែជិះម៉ូតូ Zoomer-X នៅតាមផ្លូវ214ក៏ធ្វើការឃាត់ខ្លួនយកទៅសួរនាំតែម្តងនៅឯប៉ុស្តិ៍រដ្ឋបាលនគរបាលទន្លេបាសាក់បើសិនជាក្នុងចំណោម៣នាក់មានជនសង្ស័យម្នាក់មិនមានពាក់ព័ន្ធសមត្ថកិច្ចធ្វើការដោះលែងវិញ ។ ក្រោយពេលកើតហេតុខាងលើនេះជនសង្ស័យទាំង២នាក់ត្រូវបានសមត្ថកិច្ចកសាងសំណុំរឿងបន្តទៅកាន់អធិការដ្ឋាននគរបាលខណ្ឌចំការមនដើម្បីសួរនាំរកបក្សពួកជាបន្តទៅទៀត ៕
ប្រភព៖ កោះសន្តិភាព
Bong I.T