ម្ចាស់មេដាយសំរឹទ្ធិស៊ីហ្គេមលើកទី២៩ ឆ្នាំ២០១៧ នៅប្រទេសម៉ាឡេស៊ី វិញ្ញាសាប្រដាល់សេរី កីឡាករ ឡៅ ចិត្រា បានប្ដេជ្ញាបន្តរកមេដាយឲ្យកម្ពុជានៅក្នុងព្រឹត្តិការណ៍ការប្រកួតស៊ីហ្គេមលើកទី៣០ ឆ្នាំ២០១៩ នៅប្រទេសហ្វីលីពីន នាពេលខាងមុខនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអ្នកប្រដាល់មកពីខេត្តកំពង់ស្ពឺរូបនេះបានបង្ហាញសុទុដ្ឋិនិយមថានឹងអាចប្រជែងបានមេដាយបាននៅស៊ីហ្គេមលើកនេះដោយសារការហ្វឹកហាត់ត្រៀមបានពេញលេញ ប៉ុន្តែគេក៏បានបង្ហាញក្ដីបារម្មណ៍ចំពោះការមិនសូវបានប្រកួតនៅលើសង្វៀនផងដែរ។
ជាមួយគ្នានេះ អ្នកប្រដាល់វ័យក្មេងដែលកំពុងមានឈ្មោះបោះសម្លេងក្នុងវិស័យគុនខ្មែរ បានឲ្យដឹងថាម្ចាស់ផ្ទះហ្វីលីពីនគឺជាឧបសគ្គធំមួយដែលគេបារម្ភ ដោយលើកហេតុផលថាអាចមានការផ្ដល់ពិន្ទុមិនសុក្រិត។
គួរឲ្យដឹងដែរថា ព្រឹត្តិការណ៍ស៊ីហ្គេមលើកទី៣០ នៅហ្វីលីពីននឹងចាប់ផ្ដើមនៅថ្ងៃទី៣០ ខែវិច្ឆិកា រហូតដល់ថ្ងៃទី១១ ខែធ្នូ ឆ្នាំ២០១៩ ដោយមានការចូលរួមពីសំណាក់ប្រទេសទាំង ១១ ដែលស្ថិតនៅតំបន់អាស៊ីអាគ្នេយ៍៕