វីវរហើយ! Ronaldo នឹងដើរចេញពី Juventus បើសិនជាមិនអាចសម្រេចរឿងមួយនេះបាន

អ៊ីតាលី៖ កំពូលខ្សែប្រយុទ្ធ Cristiano Ronaldo អាចនឹងស្វែងរកទ្រនំថ្មីបើសិនជា Juventus មិនអាចឈ្នះពានរង្វាន់ UEFA Champions League នៅរដូវកាលនេះ។

ក្រោយធ្លាប់ឈ្នះពានរង្វាន់ក្លិបអាជីពនៅអឺរ៉ុប Champions League ជាមួយ Manchester United និង Real Madrid កំពូលខ្សែប្រយុទ្ធរបស់ក្រុមជម្រើសជាតិព័រទុយហ្គាល់សង្ឃឹមថានឹងអាចឈ្នះពានរង្វាន់មួយនេះជាមួយ និងក្លិបទីបីណាមួយ។

ជាមួយគ្នានេះ បើតាមប្រភពពីក្នុងប្រទេសអ៊ីតាលីបានឲ្យដឹងខ្សែប្រយុទ្ធវ័យ ៣៤ឆ្នាំ Ronaldo អាចនឹងចាកចេញពីក្លិបមានមូលដ្ឋាននៅទីក្រុង Turin បើសិនជាមិនអាចឈ្នះពានរង្វាន់​ UEFA Champions League នៅរដូវកាលនេះបាន។

គួរបញ្ជាក់ផងដែរថា កុងត្រារវាងក្លិបជើងឯកអ៊ីតាលី Juventus និងកីឡាករ Cristiano Ronaldo នៅមានសុពលភាពពីរឆ្នាំកន្លះទៀត៕

ប្រភព៖ SportsMole