ភ្នំពេញ៖ រយៈពេលប៉ុន្មានថ្ងៃមកនេះ ប្រជាជនខ្មែរពិតជាមានក្តីក្រៀមក្រំយ៉ាងខ្លាំង ចំពោះការបាត់បង់សម្តេចរាជបុត្រី ព្រះរៀម នរោត្តម បុប្ផាទេវី ដែលទ្រង់បានយកពេលសឹងតែមួយជីវិតខំប្រឹង ថែរក្សា ផ្សព្វផ្សាយលើកតម្កើងវិស័យវប្បធម៏ខ្មែរ ជាពិសេសគឺរបាំខ្មែរជាច្រើន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការបាត់បង់ទ្រង់ បានធ្វើឲ្យមហាជនជាច្រើនពិតជាមានការសោកស្តាយ និងក្រៀមក្រំពន់ពេក ស្របពេលដែលនៅក្នុងនោះ ក៏មានកូនខ្មែរជាច្រើនបាននាំគ្នាចូលរួមរំលែកទុក្ខ ចំពោះការបាត់បង់ទ្រង់។ ជាមួយគ្នានេះដែរ ព្រះករុណា ព្រះបាទ សម្តេច ព្រះបរមនាថ នរោត្តម សីហមុនី ព្រះមហាក្សត្រ នៃកម្ពុជា និងសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក៏បានស្តេចយាងគោរពព្រះវិញ្ញាណក្ខន្ធ សម្ដេចរាជបុត្រីព្រះរៀម នរោត្តម បុប្ផាទេវី ទេពនាដវដ្ដីឯក ផងដែរ។
ក៏ប៉ុន្តែអ្វីដែលធ្វើឲ្យមហាជន មានការក្តុកក្តួកក្នុងចិត្តខ្លាំងជាងនេះនោះគឺ សកម្មភាពដ៏សង្វេគ អាឡោះអាឡៃខ្លាំង រវាងព្រះករុណា ព្រះបាទ សម្តេច ព្រះបរមនាថ នរោត្តម សីហមុនី ព្រះមហាក្សត្រ នៃកម្ពុជា និងសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ និងព្រះបុត្រី ដែលបានឃ្លាតចាកឆ្ងាយពីលោកនេះគ្មានថ្ងៃត្រឡប់វិញ ត្រឹមតែមួយពព្រិចភ្នែក។
តាមរយៈវីដេអូមួយនេះ ពិតជាធ្វើឲ្យអ្នកទស្សនាជាច្រើន ពិតជាក្តុកក្តួលសឹងតែស្រក់ទឹកភ្នែកទៅតាម ជាមួយនឹងការសោកស្តាយយ៉ាងខ្លាំង ចំពោះការបាត់បង់របស់ព្រះរៀម នរោត្តម បុប្ផាទេវី៕
សូមទស្សនាវីដេអូខាងក្រោមនេះ៖