ថៃ៖ បច្ចុប្បន្ននេះ តារាសម្តែងស្រី Baifern ត្រូវបានគេចាត់ទុកថា ជាតារាសម្តែងថៃស្រី កំពុងតែមានកេរ្តិ៍ឈ្មោះល្បីល្បាញលំដាប់ជួរមុខមួយរូប ប្រចាំប្រទេសថៃ តាមរយៈការសម្តែងខ្សែភាពយន្តល្បីៗទាក់ទាញជាច្រើន ក៏ដូចជារូបសម្រស់យ៉ាងគួរឲ្យស្រលាញ់ ពោរពេញទៅដោយមន្តស្នេហ៍របស់នាង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ ហើយទន្ទឹមនឹងកំពុងតែឡើងកូដមានប្រជាប្រិយភាពល្បីល្បាញនេះផងដែរ គេក៏បានកត់សម្គាល់ឃើញថា តារាសម្តែងស្រីវ័យ២៧ឆ្នាំរូបនេះ ក៏ចាប់ផ្តើមចេះលេងស្ទាយ៍តុបតែងខ្លួន បែបស៊ិចស៊ីទាក់ទាញផ្លូវចិត្តអ្នកគាំទ្រជាញឹកញាប់។
ជាក់ស្តែង ក៏ដូចជាកាលពីថ្មីៗនេះ Baifern Pimchanok បានបង្ហោះនូវរូបថតជាច្រើនសន្លឹក ដែលនាងបានស្លៀកនូវឈុតពណ៌សខ្លីវាលរឹបរាងមួយ បញ្ចេញទាំងសាច់ល្វែងលើ ក៏ដូចជាជើងដ៏ស្រឡូនវែងសខ្ចី ជាមួយនឹងការតុបតែងមុខបែបស៊ិចស៊ី បបូរមាត់ពណ៌ក្រហមឆ្អិនឆ្អៅ គួរឲ្យបតី ឆក់យកបេះដូងហ្វេនៗឲ្យលង់ស្នេហ៍ផងដែរ។
យ៉ាងណាមិញ គួរឲ្យដឹងថា ឆ្នាំ២០១៩នេះ អាចចាត់ទុកបានថា គឺជាឆ្នាំដ៏ល្អប្រពៃបំផុតសម្រាប់ Baifern ដែលធ្វើឲ្យនាងឡើងកូតខ្លាំង ជាពិសេសគឺនាងមានឱកាសបានថតសម្តែងសុទ្ធសឹងតែ ខ្សែភាពយន្តល្បីៗទទួលបានការចាប់អារម្មណ៍យ៉ាងច្រើនលើសលប់ ពីសំណាក់ទស្សនិកជន រហូតធ្វើឲ្យប្រជាប្រិយភាពរបស់នាងកាន់តែកើនឡើង សឹងតែវ៉ាដាច់តារាស្រីលំដាប់ៗនៅក្នុងប្រទេស និងថែមទាំងមានហ្វេនអ្នកគាំទ្រ នៅតាមបណ្តាប្រទេសជាច្រើនថែមទៀតផងដែរ៕