ជាងគំនូរសង្ហា! ចំណាយពេលមួយយប់ រហូតដល់ពេលនេះ គូររូបព្រះឆាយល័ក្ខ សម្តេចរាជបុត្រីព្រះរៀម នរោត្តម បុប្ផាទេវី ដើម្បីរំលែកទុក្ខដ៏ក្រៀមក្រំ (មានវីដេអូ)

សៀមរាប៖ ប្រិយមិត្តមួយចំនួនប្រាកដជាបានស្គាល់នូវវិចិត្រករដៃចំណាន មួយរូប ដែលផ្ទុះការសរសើរយ៉ាងខ្លាំងពីបណ្តាមហាជនជាច្រើន ស្របពេលដែលកាលពីពេលកន្លងទៅនេះ លោកបានធ្វើការគូររូបស្ថាបនិកមន្ទីរពេទ្យគន្ធបុប្ផា លោក Beat Richner បានយ៉ាងស្រស់ស្អាត។

ជាក់ស្តែងនៅពេលនេះដែរ ប្រជាជនខ្មែរជាច្រើនពិតជាក្តុកក្តួល ជាមួយនឹងការបាត់បង់យ៉ាងធំធេងរបស់ព្រះរៀម នរោត្តម បុប្ផាទេវី ដែលបានសោយទីវង្គតទៅអស់ពេលប៉ុន្មានថ្ងៃមកនេះ ដែលធ្វើឲ្យមហាជនជាច្រើនពិតជាសោកស្តាយយ៉ាងខ្លាំង។

ជាមួយនឹងពេលវេលាដ៏ក្រៀមក្រំនេះដែរ ជាងគំនូរដែលមានរូបសម្រស់ស្រស់សង្ហារូបនេះ ក៏បានបង្ហាញមុខសារជាថ្មីម្តងទៀត ដោយបានធ្វើការគូររូប ព្រះឆាយល័ក្ខ ព្រះរៀម នរោត្តម បុប្ផាទេវី ចំណាយពេលតាំងតែពីយប់ រហូតមកដល់ព្រឹកនេះពេញមួយថ្ងៃ ដើម្បីធ្វើការគូររូបទ្រង់ ដោយក្តីទុក្ខ។

ទោះបីជាពេលនេះមិនទាន់រួចរាល់១០០ភាគរយយ៉ាងណាក្តី ក៏ប៉ុន្តែឃើញថាអ្នកចូលរួមខំមិននៅក្នុងការLive របស់វិចិត្រកររូបនេះ ក៏បាននាំគ្នាសរសើរដល់លោកគ្រប់គ្នា ដែលមិនត្រឹមតែមានមុខមាត់ស្រស់ស្អាត ថែមទាំងមានអាជីព ចេញគូររូបបានយ៉ាងល្អដូចពិតៗបែបនេះ៕

សូមទស្សនាវីដេអូខាងក្រោមនេះ៖