ម៉ាឡេស៊ី៖ យោងតាមគេហៈសារព័ត៌មានទំព័រ Careta ម៉ាឡេស៊ីបាន​ឲ្យដឹងថា រដ្ឋមន្រ្តីក្រសួងអភិវឌ្ឍន៍លោក Datuk Seri Mohd Redzuan Yusof ​នឹង​​ធ្វើតេស្តសាកល្បងរថយន្តហោះជាលើកដំបូង ដែលធ្វើឡើងនៅថ្ងៃព្រហស្បតិ៍ ទី២១ ខែវិច្ឆិកា នៅទីក្រុង Subang ប្រទេសម៉ាឡេស៊ី។

លោករដ្ឋមន្រ្តីបានសង្កត់ធ្ងន់ថា ខ្លួនលោកផ្ទាល់នឹងចូលរួមក្នុងការសាកល្បងយានយន្តនេះ។ តាមសេចក្តីរាយការណ៍បានអោយដឹងថា រថយន្តនេះអាចផ្ទុកអ្នកដំណើរបានតែពីរនាក់ប៉ុណ្ណោះ។

លោក Datuk Seri Mohd Redzuan Yusof ក៏បានលើកឡើងផងដែរថា លោកនឹងអញ្ជើញអ្នកតំណាងម្នាក់មកពីគណបក្សផ្សេងគ្នា ដើម្បីធ្វើជាសាក្សីនៃការបើកបរសាកល្បង​រថយន្តហោះនេះជាមួយគ្នា។

លោក Mohd Redzuan ក៍បានពន្យល់មុននេះថា គំរូរថយន្តហោះត្រូវបានគេរំពឹងថានឹងបង្ហាញខ្លួននៅចុងឆ្នាំនេះ។

​ចំណែកឯថវិកាក្នុងការផលិតគឺស្ថិតលើវិស័យឯកជនទាំងស្រុង ហើយវាក៏មិនត្រូវការថវិកាណាមួយពីរដ្ឋាភិបាលដែរ៕

គំរូររថយន្តហោះដែលនឹងត្រូវធ្វើតេស្តសាកល្បង

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 085836679 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 085836679 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]