ម៉ាឡេស៊ី៖ យោងតាមគេហៈសារព័ត៌មានទំព័រ Careta ម៉ាឡេស៊ីបានឲ្យដឹងថា រដ្ឋមន្រ្តីក្រសួងអភិវឌ្ឍន៍លោក Datuk Seri Mohd Redzuan Yusof នឹងធ្វើតេស្តសាកល្បងរថយន្តហោះជាលើកដំបូង ដែលធ្វើឡើងនៅថ្ងៃព្រហស្បតិ៍ ទី២១ ខែវិច្ឆិកា នៅទីក្រុង Subang ប្រទេសម៉ាឡេស៊ី។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោករដ្ឋមន្រ្តីបានសង្កត់ធ្ងន់ថា ខ្លួនលោកផ្ទាល់នឹងចូលរួមក្នុងការសាកល្បងយានយន្តនេះ។ តាមសេចក្តីរាយការណ៍បានអោយដឹងថា រថយន្តនេះអាចផ្ទុកអ្នកដំណើរបានតែពីរនាក់ប៉ុណ្ណោះ។
លោក Datuk Seri Mohd Redzuan Yusof ក៏បានលើកឡើងផងដែរថា លោកនឹងអញ្ជើញអ្នកតំណាងម្នាក់មកពីគណបក្សផ្សេងគ្នា ដើម្បីធ្វើជាសាក្សីនៃការបើកបរសាកល្បងរថយន្តហោះនេះជាមួយគ្នា។
លោក Mohd Redzuan ក៍បានពន្យល់មុននេះថា គំរូរថយន្តហោះត្រូវបានគេរំពឹងថានឹងបង្ហាញខ្លួននៅចុងឆ្នាំនេះ។
ចំណែកឯថវិកាក្នុងការផលិតគឺស្ថិតលើវិស័យឯកជនទាំងស្រុង ហើយវាក៏មិនត្រូវការថវិកាណាមួយពីរដ្ឋាភិបាលដែរ៕