រាជធានីភ្នំពេញ ៖ ប្រតិបត្តិការត្រួតពិនិត្យជនបរទេសអស់រយៈពេលជាង៥ម៉ោង បានរកឃើញជនជាតិចិនចំនួន១៧នាក់ ស្នាក់នៅខុសច្បាប់ ដោយសមត្ថកិច្ចនាយកដ្ឋានស៊ើបអង្កេត និងអនុវត្តនីតិវិធីនៃអគ្គនាយកដ្ឋានអន្តោប្រវេសន៍ក្រសួងមហាផ្ទៃ សហការជាមួយនគរបាលខណ្ឌបឹងកេងកង ។ សមត្ថកិច្ចបានត្រួតពិនិត្យការស្នាក់នៅ និងបំពេញការងារនៅសណ្ឋាគារស៊ី អ៊ិន គ័រ ជី ហ៊ួយ ស៊័រ ដែលមានកម្ពស់៩ជាន់ ហើយបានឃាត់ខ្លួនជនជាតិចិនប្រុសស្រីចំនួន១៧នាក់ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រតិបត្តិការនេះ បានធ្វើឡើងកាលពីវេលាម៉ោង២រសៀលថ្ងៃទី១៨ វិច្ឆិកា នៅសណ្ឋាគារ ស៊ី អ៊ិន គ័រ ជី ហ៊ួយ ស៊័រ ទីតាំងលេខ៣៥៦ ផ្លូវលេខ២៧៨ កែងផ្លូវលេខ១៦៣ (ខាងកើតវត្តមហាមន្ត្រី)ក្នុងសង្កាត់អូឡាំពិក ខណ្ឌបឹងកេងកង ។
មន្ត្រីនគរបាលឱ្យដឹងថា នេះជាការអនុវត្តច្បាប់អន្តោប្រវេសន៍ សមត្ថកិច្ចរបស់នាយកដ្ឋានស៊ើបអង្កេត និងអនុវត្តនីតិវិធីនៃអគ្គនាយកដ្ឋាននគរបាលអន្តោប្រវេសន៍ក្រសួងមហាផ្ទៃ សហការជាមួយកម្លាំងអធិការ ដ្ឋានខណ្ឌបឹងកេងកង បានត្រួតពិនិត្យការ ស្នាក់នៅ និងបំពេញការងាររបស់ជនបរទេសនៅក្នុងសណ្ឋាគារស៊ី អ៊ិន គ័រ ជី ហ៊ួយ ស៊័រ។
កម្លាំងរបស់លោកបានរកឃើញជនជាតិចិនចំនួន១៧នាក់ ក្នុងនោះបុរស១៣នាក់ និងស្រី៤នាក់ មានតែលិខិតឆ្លងដែន តែពួកគេមិនមានសៀវភៅការងារត្រឹមត្រូវឡើយ។ ពួកគេត្រូវបញ្ជូនខ្លួនទៅនាយកដ្ឋានស៊ើបអង្កេត និង អនុវត្តនីតិវិធីនៃអគ្គនាយកដ្ឋានអន្តោប្រវេសន៍ ដើម្បីចាត់ការតាមនីតិវិធីនៃច្បាប់ ។សណ្ឋាគារថៅកែចិននោះមានបើកខារ៉ាអូខេ និងភោជនីយដ្ឋានផងដែរ បន្ថែមលើសេវាសណ្ឋាគារ ៕
ប្រភព៖ កោះសន្តិភាព