ខេត្តកណ្តាល ៖ ជនសង្សយ័ម្នាក់ធ្លាប់ជាប់ពន្ធនាគាររយៈពេល១ឆ្នាំនិង៦ខែពាក់ព័ន្ធករណីកាច់កម៉ូតូ នៅស្រុកខ្សាច់កណ្តាល លុះពេលចេញមកវិញនៅតែធ្វើសកម្មភាពកាច់កម៉ូតូទៀត តែត្រូវម្ចាស់តាមទាន់ចាប់វាយស្ទើរទ្រមខ្លួន រួចចាប់ប្រគល់អោយសមត្ថកិច្ចតែម្តង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សហេតុការណ៍ខាងលើនេះបានកើតឡើងកាលពីវេលាម៉ោង១១និង៣០នាទីព្រឹកថ្ងៃទី១៩ វិច្ឆិកា ២០១៩ នៅចំណុចផ្ទះជនរងគ្រោះ ស្ថិតក្នុងភូមិព្រែកអញ្ចាញ សង្កាត់ព្រែកឬស្សី ក្រុងតាខ្មៅ ខេត្តកណ្តាល ។
ជនរងគ្រោះជាម្ចាស់ម៉ូតូឈ្មោះ ប៊ុនសុខ ភេទប្រុស អាយុ៤៨ឆ្នាំ មុខរបរលក់ដូរ មានទីលំនៅភូមិសង្កាត់កើតហេតុខាងលើ។ ចំណែកជនសង្ស័យឈ្មោះ ហេង សុភ័ក្រ ហៅរតនា ភេទប្រុស អាយុ៣៩ឆ្នាំ មុខរបរមិនពិតប្រាកដ មានទីលំនៅភូមិ៥ ឃុំកំពង់សឹង្ហ ស្រុកបាភ្នំ ខេត្តព្រែវែង ។
តាមប្រភពព័ត៌មានបានឱ្យដឹងថា មុនពេលកើតហេតុ ជនរងគ្រោះបានទុកម៉ូតូរបស់គាត់នៅខាងមុខផ្ទះ ដោយមានភ្ជាប់កុងតាក់សំងាត់ ស្រាប់តែមានជនសង្ស័យម្នាក់ខាងលើបានដើរចូលទៅ ហើយយកដែករាងអក្សរតេចាក់បំបែកសោម៉ូតូរួចបណ្តើរចេញទៅ តែពេលនោះជនរងគ្រោះក៏ចេញមកទាន់ ហើយស្រែកចោរៗផ្អើលអស់អ្នកជិតខាងនាំគ្នាព្រួតវាយ និងចាប់ឃាត់ខ្លួនយកមកប្រគល់ឱ្យសមត្ថកិច្ចតែម្តង។
តាមចម្លើយសារភាពរបស់ជនសង្ស័យបានប្រាប់ឱ្យដឹងថា ខ្លួនពិតជាបានធ្វើសកម្មភាពលួចកាច់កម៉ូតូរបស់ជនរងគ្រោះខាងលើប្រាកដមែន និងធ្លាប់ធ្វើសកម្មភាពកាច់កម៉ូតូគេម្តងក្នុងឆ្នាំ២០១០ នៅស្រុកខ្សាច់កណ្តាល ហើយត្រូវសមត្ថកិច្ចចាប់ឃាត់ខ្លួនបានដាក់ពន្ធនារគារខេត្តកណ្តាលអស់រយៈពេល១ឆ្នាំនិង៦ខែ៕
ប្រភព៖ កោះសន្តិភាព