កូរ៉េខាងត្បូង៖ កាលពីពេលថ្មីៗនេះខាងMBC បានបញ្ជាក់ថាតារាសម្តែងប្រុសAhn Jaehyun ត្រៀមនឹងបង្ហាញខ្លួនជាសាធារណៈលើកដំបូងបន្ទាប់ពីដំណឹងលែងលះរបស់លោកត្រូវបានប្រកាស។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែងតារាប្រុសរូបនេះនឹង បង្ហាញខ្លួនក្នុងសន្និសីទកាសែត របស់រឿង "Love with Flaws" របស់ស្ថានីយទូរទស្សន៍MBC។ ពោលគឺកាលពីថ្ងៃទី១៩ ខែវិច្ឆិកាកន្លងទៅនេះ អ្នកតំណាងនៃសា្ថនីយទូរទស្សន៍MBC បានប្រាប់ដល់សារព័ត៌មានក្នុងស្រុកថាAhn Jaehyun ក៏នឹងមានវត្តមាន ចូលរួមក្នុងកម្មវិធីសន្និសិទ្ធកាសែត ដែលនឹងរៀបចំឡើងនៅ ថ្ងៃទី២៧ខាងមុខនេះ។ ជារួមក្នុងកម្មវិធីនោះក៏មាន ការចូលរួមពីតារាសម្តែងផ្សេងៗទៀត ដូចជាOh Yeonseo, Kim Seulhi, Goo Won, រួមទាំងអ្នកដឹកនាំរឿងនេះផ្ទាល់ គឺលោកOh Jinsuk ផងដែរ។
គួរបញ្ជាក់ផងដែរថា ចំពោះពេលវេលានៃ ការចាក់ផ្សាយរឿង “Love With Flaws” នឹងចាប់ផ្តើមធ្វើការ ចាក់បញ្ចាំងនៅថ្ងៃទី២៧ ខែវិច្ឆិកា ខាងមុខនេះបន្ទាប់ពីរឿង “Extraordinary You” ត្រូវបានបញ្ចប់ ក្នុងពេលដ៏ឆាប់ខាងមុខនេះ៕