សឹងតែ១០០% នៃអ្នកធាត់ គេចមិនរួចពីជំងឺទឹកនោមផ្អែមប្រភេទទី២ នោះទេ គ្រាន់តែយូរ ឬឆាប់ប៉ុណ្ណោះ នេះបើតាមការអះអាងរបស់វេជ្ជបណ្ឌិតឯកទេសជំងឺទឹកនោមផ្អែម សាស្ត្រាចារ្យមហាបរិញ្ញា សេង សេរី។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសាស្ត្រារ្យវេជ្ជបណ្ឌិតបង្រៀននៅសាកលវិទ្យាល័យវិទ្យាសាស្ត្រសុខាភិបាលរូបនេះបន្តថា អ្នកដែលធាត់ៗ មិនត្រឹមតែប្រឈមនឹងជំងឺទឹកនោមផ្អែមប្រភេទទី២ នោះទេ អាចប្រឈមនឹងជំងឺកាចសាហាវផ្សេងទៀត មានជំងឺលើសឈាម មហារីក ដោយជំងឺទាំង៣មុខនេះ នៅតាមអ្នកដែលធាត់លើសទម្ងន់ជាប់រហូត។
សាស្ត្រាចារ្យវេជ្ជបណ្ឌិត រៀបរាប់។
ដូច្នេះដើម្បីឲ្យមានសុខភាពល្អ គ្រូពេទ្យតែងតែណែនាំឲ្យរក្សាទម្ងន់ឲ្យបានសមស្រប ដែលពាក្យសាមញ្ញហៅថា រក្សារាង កុំឲ្យធាត់លើសទម្ងន់ ដុះក្បាលពោះ។
ចំពោះស្ត្រីវិញងាយកើតជំងឺទឹកនោមផ្អែមប្រភេទទី២ បំផុត នៅពេលអស់រដូវ ដោយអំឡុងពេលនោះ ទម្ងន់ចាប់ផ្តើមឡើង។ ឯរបបអាហារចាប់ពីអាយុ ៤០ ឆ្នាំឡើងទៅ គ្រូពេទ្យឲ្យកាត់បន្ថយ ដោយញ៉ាំកុំប្រៃពេក ផ្អែមពេក ឬមានជាតិខ្លាញ់ច្រើនពេក បង្កើនលំហាត់ប្រាណ។
ជំងឺទឹកនោមផ្អែមប្រភេទទី២ កើតឡើងនៅពេលរាងកាយប្រឆាំងនឹងអាំងស៊ុយលីន ហើយកម្រិតជាតិស្ករ កកើតច្រើននៅក្នុងឈាម។ ក្រៅពីធាត់លើសទម្ងន់ កត្តាប្រឈមធ្វើឲ្យកើតជំងឺទឹកនោមផ្អែមប្រភេទទី២ មាន កត្តាអាយុ (លើសពី៤០ឆ្នាំ) កត្តាតំណពូជ ចំណីអាហារ មិនហាត់ប្រាណជាដើម។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet