ភ្នំពេញ៖ បច្ចុប្បន្ននេះ ប្រិយមិត្តប្រាកដជាបានជ្រាបហើយ ពីសមត្ថភាពទេពកោសល្យសិល្បៈ របស់ព្រះនាងតូច នរោត្តម ជេនណា ដែលទ្រង់អាចទាំងច្រៀង រាំ ក៏ដូចជាសម្តែង បានយ៉ាងល្អប៉ិនប្រសប់គួរឲ្យកោតសរសើរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមិនត្រឹមតែប៉ុណ្ណោះ ព្រះនាងតូច ជេនណា ទ្រង់ក៏ថែមទាំងមានរូបសម្រស់ស្រស់ស្អាត គួរឲ្យស្រលាញ់ ទាក់ទាញចិត្តប្រិយមិត្តគាំទ្រ ឲ្យលង់ស្រលាញ់និងគាំទ្រទ្រង់ថែមទៀតផង។ ជាការពិតណាស់ បើទោះបីជាទ្រង់មានសាច់សាលោហិតក្នុងខ្សែរាជវង្ស ហើយទ្រង់ក៏បានចូលប្រឡូកក្នុងវង្វង់សិល្បៈដូចជារាស្រ្តទូទៅយ៉ាងណាក្តី ប៉ុន្តែមហាជនក៏នៅតែសម្តែងការគោរពចំពោះទ្រង់ ដោយតាមរយៈកាយវិការគោរពឱនលំទោន ក៏ដូចជាការនិយាយស្តីជាមួយទ្រង់ជាដើមផងដែរ។
ប៉ុន្តែមិនថាយ៉ាងណា តាមរយៈការ Live ផ្ទាល់ខ្លួនរបស់ព្រះនាងតូច ជេនណា កាលពីថ្មីៗនេះ បានឲ្យឃើញថា ទ្រង់បានផ្តល់ក្តីសណ្តោសប្រណី ដោយបានធ្វើការផ្តែផ្តាំ ទៅកាន់អ្នកគាំទ្ររបស់ទ្រង់ទាំងអស់គ្នា ដោយអនុញ្ញាតឲ្យគ្រប់គ្នា អាចប្រើភាសារាស្ត្រសាមញ្ញធម្មតាជាមួយទ្រង់ក៏បាន មិនចាំបាច់ប្រើប្រាស់ភាសារាជស័ព្ទ នាំតែវែងឆ្ងាយអ្វីឡើយ។
តួយ៉ាង ទង្វើមិនចេះប្រកាន់ខ្លួនរបស់ព្រះនាងតូចរូបនេះ ក៏ធ្វើឲ្យប្រិយមិត្តគាំទ្រជាច្រើន កាន់តែលង់ស្រលាញ់និងគាំទ្រទ្រង់កាន់តែច្រើនផងដែរ៕