មុនជួបហុងកុងល្ងាចនេះ ទៅទស្សនាគ្រាប់បាល់ទាំងអស់រវាងកម្ពុជា និងហុងកុង កាលពីជើងទីមួយ (មានវីដេអូ)

អាស៊ី៖ ក្រុមបាល់ទាត់ជម្រើសជាតិកម្ពុជា នឹងត្រូវជួបជាមួយក្រុមម្ចាស់ផ្ទះហុងកុង ក្នុងការប្រកួតទី៤ ពូលC វគ្គជម្រុះជុំទីពីរព្រឹត្តិការណ៍ FIFA World Cup Qatar 2022 ដែលការប្រកួតនឹងនៅធ្វើឡើងនៅល្ងាចនេះ វេលាម៉ោង ៧ល្ងាច (ម៉ោងក្នុងប្រទេសកម្ពុជា)។

ក្រឡេកទៅមើលការដែលប៉ះគ្នាជើងទីមួយ ក្នុងការប្រកួតទី១ ពូលC កម្ពុជា បានប្រកួតស្មើគ្នាជាមួយហុងកុង ដោយលទ្ធផល ១ទល់នឹង១ ក្រោមក្រសែភ្នែកអ្នកគាំទ្រចូលរួមទស្សនាផ្ទាល់ជិត ៥ម៉ឺននាក់នៅពហុកីឡដ្ឋានជាតិអូឡាំពិច កាលពីថ្ងៃទី០៥ ខែកញ្ញាកន្លងទៅ។

នៅចាំបានថាការប្រកួតនោះហុងកុងជាអ្នកបើកការនាំមុខមុនមកលើម្ចាស់ផ្ទះកម្ពុជាដោយកាស៊ុតរបស់កីឡាករ Tan Chun Lok នៅនាទី១៦។ យ៉ាងណាមិញ នៅនាទីទី៣៤ កម្ពុជា បានវាយបកតាមស្មើវិញតាមរយៈការស៊ុតជើងស្ដាំបញ្ចូលទីរបស់ខ្សែប្រយុទ្ធជួរមុខ កែវ សុខផេង បន្ទាប់ពីការបញ្ជូនបាល់ចោះយ៉ាងល្អរបស់ សេត រ៉ស៊ីប។ ការប្រកួតបញ្ចប់វគ្គទីមួយក្រុមទាំងពីរស្មើគ្នា ១-១។

ការប្រកួតនៅវគ្គទីក្រុមទាំងពីរមិនអាចទម្លុះសំណាញ់ទីគ្នាបាននោះទេ បើទោះបីជាមានការសម្រុកគ្នាទៅវិញទៅមកខ្លាំងក្ដី។ ជាពិសេសនៅនាទីទី៧៥ ខ្សែប្រយុទ្ធវ័យក្មេង សៀង ចន្ធា បានធ្វើឲ្យអ្នកគាំទ្រក្រោកពីកៅអីក្រោយស៊ុតប៉ះបង្គោលទី។ ជាលទ្ធផលបញ្ចប់ការប្រកួត កម្ពុជា​និងហុងកុង ចែកគ្នាម្នាក់១ពិន្ទុក្នុងការប្រកួតដំបូង។

យើងនឹងរង់ចាំមើលទាំងអស់គ្នាថាតើលទ្ធផលការប្រកួតថ្ងៃនេះវិញ ក្រុមខាងណានឹងទទួលបាន៣ពិន្ទុ ឬក៏ចែកគ្នាម្នាក់១ពិន្ទុដូចកាលពីជើងទីមួយ?

សូមទស្សនាវីដេអូខាងក្រោម៖