កូរ៉េខាងត្បូង៖ ក្រុមហ៊ុនអេឡិចត្រូនិចបានដាក់ពង្រាយសាកល្បងនូវរ៉ូបូត Cloi របស់ខ្លួននៅមន្ទីរពេទ្យសាកលវិទ្យាល័យជាតិសេអ៊ូល ដើម្បីសម្រួលបន្ថែមដល់សេវាថែទាំសុខភាព។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រុមហ៊ុនផលិតគ្រឿងអេឡិចត្រូនិកកូរ៉េខាងត្បូងនេះ បានដាក់ពង្រាយរ៉ូបូតចំនួន២៥គ្រឿងទៅកាន់មជ្ឈមណ្ឌលថែទាំកុមារ។ រ៉ូបូតនេះនឹងត្រូវដាក់នៅកន្លែងផ្សេងៗគ្នា រាប់បញ្ចូលទាំងផ្នែកថែទាំនិងបន្ទប់ប្រតិបត្តិការ ដែលនេះជាផ្នែកមួយនៃការសាកល្បងរយៈពេល៣ខែ។ គោលដៅគឺផ្តល់ការគាំទ្រផ្នែកអារម្មណ៍ដល់កុមារ ដែលអាចមានភាពភ័យខ្លាចពីបរិយាកាសខុសគ្នានិងកង្វះសេរីភាពក្នុងការដើរចេញទៅខាងក្រៅ។
Cloi របស់ក្រុមហ៊ុន LG មានអេក្រង់ LCD ទំហំ៥អ៊ីញនិងមានកម្មវិធីដំណើរការដោយប្រព័ន្ធ AI ។ វាក៏នឹងភ្ជាប់មកជាមួយនូវមាតិការតម្រង់ទិសកុមារចំនួន ៩០០ ពីអ្នកបោះពុម្ពផ្សាយចំនួន ៧០ រូបដូចជាតន្ត្រី ហ្គេមនិងអត្ថបទសារអប់រំផ្សេងៗផងដែរ។
ក្រៅពីការមើលថែទាំកុមារ ក្រុមហ៊ុន LG រួមទាំងមន្ទីរពេទ្យនឹងសហការគ្នា ដើម្បីបង្កើតសេវាកម្ម ដែលគេនឹងប្រើរ៉ូបូតនេះសម្រាប់ការជជែកជាវីដេអូរវាងបុគ្គលិក និងលើសេវាកម្មបកប្រែសម្រាប់អ្នកជំងឺបរទេស ហើយថែមទាំងផ្តល់ការណែនាំវីដេអូសម្រាប់ឪពុកម្តាយមុនពេលប្រើប្រាស់។
ក្រុមហ៊ុនបាននិយាយថា ខ្លួនសង្ឃឹមថារ៉ូបូតនេះនឹងក្លាយជាអ្នកមើលថែនិងជាមិត្តភក្តិសម្រាប់កុមារ។ ពួកគេបាននិយាយទៀតថា ក្រុមហ៊ុន LG និងមន្ទីរពេទ្យសាកលវិទ្យាល័យជាតិសេអ៊ូលនឹងបន្តសហការគ្នាលើការដាក់ពាក្យសុំឲ្យប្រើប្រាស់រ៉ូបូតនៅតាមមន្ទីរពេទ្យបន្ទាប់ពីការសាងល្បងនេះ។
ក្រុមហ៊ុនផលិតគ្រឿងអេឡិចត្រូនិចរបស់កូរ៉េខាងត្បូងនេះ ក៏បាននឹងកំពុងសហការជាមួយក្រុមហ៊ុន CJ Foodville ដើម្បីប្រើប្រាស់រ៉ូបូតនេះនៅតាមភោជនីយដ្ឋានផងដែរ៕