ថាម៉េច តារាល្បីប៉ុណ្ណឹងដែរ Freud ដាក់ថ្នាំសណ្ដំ ស្រីស្អាតម្នាក់? ពេលនេះ លោកសារភាព ថាពិតនៅហេតុការណ៍នោះមែន តែ....

ថៃ៖ នាពេលថ្មីៗនេះ តារាសម្ដែងតួកំប្លែង លោក Freud Chartpong ត្រូវបាននារីម្នាក់ ចេញមុខបង្ហោះសារ ដោយចោទប្រកាន់យ៉ាងធ្ងន់ ថាតារាប្រុសរូបនេះ បានដាក់ថ្នាំសណ្ដំខ្លួន ក្នុងគោលបំណងអាក្រក់ទៅលើនាង។

យ៉ាងណាមិញ ចំពោះហេតុការណ៍មួយនេះ បានកើតឡើងមករយៈពេលជាងមួយសប្ដាហ៍ហើយ ប៉ុន្តែទើបតែថ្មីៗនេះនារីម្នាក់នោះ​ បានចេញមកបង្ហោះសារវាយប្រហារបែបនេះ ទៅលើលោក Freud ។

ដោយក្នុងនោះដែរ តារាប្រុសរូបនេះ ក៏បានសារភាពថាខ្លួន ពិតជាស្ថិតនៅក្នុងហេតុការណ៍នោះ ពិតប្រាកដមែន ប៉ុន្តែលោកមិនបានសូម្បីតែគិតប៉ងធ្វើរឿងដ៏អាក្រក់មួយនេះ ព្រោះនេះជាលើកទី១ដែលលោក និងនារីម្នាក់នោះ​ បានជួបគ្នាដោយសារតែមិត្តភក្តិ ហើយជាពិសេស នៅកន្លែងកើតហេតុការណ៍នោះ ក៏មានមនុស្សជាច្រើនដែលអាចធ្វើជាសាក្សីបាន ក្នុងបញ្ហាមួយនេះដែរ។

ជាមួយគ្នានេះដែរ តារាសម្ដែងប្រុសរូបនេះ ក៏បានត្រៀមមេធាវីសម្រាប់រឿងក្ដីមួយនេះរួចជាស្រេច ប្រសិនបើនារីម្នាក់នោះ នៅតែបន្តចោទប្រកាន់ និងមិនមានការចេញមុខសុំទោសជាសាធារណៈទេនោះ គឺលោកនឹងធ្វើទៅតាមផ្លូវច្បាប់តែម្ដង៕