ឥណ្ឌូនេស៊ី៖ ថ្មីៗនេះ មានករណីជាច្រើនទាក់ទងទៅនឹងការប្លន់ បានធ្វើឲ្យស្ត្រីជាអ្នកបើកតាក់ស៊ីម្នាក់ភ័យខ្លាច រហូតដល់កែច្នៃដាក់ទ្រុងដែកក្នុងរថយន្ដ ដើម្បីការពារសុវត្ថិភាព។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រភពបានឲ្យដឹងថា ស្ត្រីរូបនោះមានឈ្មោះថា Varley អាយុ៤២ឆ្នាំ គឺជាអ្នកបើកតាក់ស៊ីម្នាក់តាមកម្មវិធីទូរស័ព្ទ នៅឯទីក្រុង Palembang ភាគខាងត្រូងនៃកោះស៊ូម៉ាត្រា ប្រទេសឥណ្ឌូនេស៊ី។ ដោយសារតែមានអំពើប្លន់កើតឡើងយ៉ាងរាលដាលនៅក្នុងតំបន់ អ្នកស្រីបានសម្រេចចិត្ត ដំឡើងទ្រុងដែកនៅជុំវិញកៅអីអ្នកបើកបរ និងបង្កើតជាព្រំដែនរវាងកៅអីរបស់គាត់ និងកៅអីអ្នកដំណើរ។
អ្នកស្រី Varley បាននិយាយថា៖
ប្រភពបានបន្ដថា អ្នកស្រី Varley តែងតែចាប់ផ្ដើមចេញទៅធ្វើការនៅវេលាម៉ោង៣:០០ទាបភ្លឺ។ គាត់បានចំណាយប្រាក់អស់ចំនួន៧០០,០០០រ៉ូពី (ប្រមាណ៤៩ដុល្លារអាមេរិក) ទៅលើទ្រុងដែកនោះ។
គួរឲ្យដឹងដែរថា កាលពីថ្ងៃទី១១ ខែវិឆ្ឆិកា ឆ្នាំ២០១៩កន្លងទៅនេះ អ្នកបើកតាក់ស៊ីម្នាក់ក្នុងទីក្រុង Palembang ត្រូវបានអ្នកដំណើរដែលជាចោរចាក់សម្លាប់ បន្ទាប់ពីព្យាយាមវាយប្រតប់ជាមួយចោរ ដែលប៉ុនប៉ងចង់ប្លន់រថយន្ដ។
យ៉ាងណាមិញ ក្រោយពីអ្នកស្រី Varley ដំឡើងទ្រុងដែករួចមក មានអ្នកដំណើរជាច្រើនបានគាំទ្រ និងអ្នកបើកតាក់ស៊ីមួយចំនួនដែលជាអ្នកមិត្តភក្ដិរបស់គាត់ ក៏បានដំឡើងទ្រុងដែកផងដែរ៕
តើប្រិយមិត្តអ្នកអានយល់ឃើញយ៉ាងណាដែរ?