អេស្ប៉ាញ៖ ក្រុមជម្រើសជាតិអេស្ប៉ាញក្នុងនាមជាម្ចាស់ផ្ទះបានបើកទ្វារកីឡដ្ឋាន Estadio Wanda Metropolitano ទទួលស្វាគមន៍ក្រុមភ្ញៀវ រូម៉ានី ក្នុងព្រឹត្តិការណ៍ជម្រុះយូរ៉ូឆ្នាំ២០២០ កាលពីរាត្រីច័ន្ទកន្លងទៅនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រុមម្ចាស់ផ្ទះអេស្ប៉ាញមានឱកាសសម្រុកច្រើនទៅលើក្រុមភ្ញៀវ ដោយស៊ុតបាន១៧ជើង ចំគោលដៅ៦ដង សម្រេចទីបាន៥គ្រាប់ ចំណែកឯក្រុមភ្ញៀវស៊ុតបបាន២ជើង ចំគោលដៅ២ដង។
៥គ្រាប់របស់ក្រុមជម្រើសជាតិអេស្ប៉ាញ ធ្វើបានដោយកីឡាករ៤រូបផ្សេងគ្នា ដោយគ្រាប់ទី១ស៊ុតបញ្ចូលទីដោយកីឡាករ Fabian នៅនាទីទី៨ គ្រាប់ទី២និងទី៣ រកបានដោយកីឡាករ Gerard Moreno នៅនាទីទី៣៣និង៣៧ ចំណែកឯគ្រាប់ទី៤ គឺជាការស៊ុតបញ្ចូលទីខ្លួនឯងរបស់ខ្សែការពារក្រុមរូម៉ានី កីឡាករ Adrian Rus នៅនាទីទី៤៥ រឺឯគ្រាប់ទី៥ ទម្លុះសំណាញ់ទីដោយកីឡាករ Mikel Oyarzabal នៅនាទីទី៩០។
ដូច្នេះក្រោយបញ្ចប់ការប្រកួតក្រុមម្ចាស់ផ្ទះអេស្ប៉ាញបានទទួលជ័យជម្នះទៅលើក្រុមភ្ញៀវរូម៉ានី ក្នុងលទ្ធផល៥ទល់នឹង០។ តាមរយៈជ័យជម្នះនេះ ជួយអោយអេស្ប៉ាញទទួលបាន៣ពិន្ទុបន្ថែម ឈរកំពូលតារាងក្នុងពូល F មាន២៦ពិន្ទុសរុប កក់កៅអីទៅលេងពានរង្វាន់យូរ៉ូឆ្នាំ២០២០៕
បើចង់ឃើញការស៊ុតបញ្ចូលទីអស្ចារ្យយ៉ាងណានោះ សូមទស្សនាវីដេអូខាងក្រោម៖