កូរ៉េខាងត្បូង៖ សមាជិកនាវិកនេសាទ១២នាក់បានបាត់ខ្លួនបន្ទាប់ពីទូករបស់ពួកគេបានឆាបឆេះនៅក្បែរឆ្នេរសមុទ្រនៃប្រទេសកូរ៉េខាងត្បូង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រុមប៉ូលីសនិងយោធាបានបើកប្រតិបត្តិការស្វែងរកអ្នកដែលនៅរស់រានមានជីវិតចំងាយ៤៧ម៉ាយ ភាគខាងលិចនៃកោះ Chagwido របស់កូរ៉េខាងត្បូងនៅខេត្ត Jeju ។
យ៉ាងហោចណាស់មានទូកប៉ូលីស៧គ្រឿង ឧទ្ធម្ភាគចក្រ៤គ្រឿងនិងនាវាកងទ័ពជើងទឹកកំពុងចូលរួមក្នុងប្រតិបត្តិការជួយសង្គ្រោះរួមជាមួយយន្ដហោះនិងនាវាផ្សេងៗជាច្រើនទៀត។
នាវិកម្នាក់ដែលជាប់នៅក្នុងនោះនៅរស់រានមានជីវិត ហើយមនុស្ស៨នាក់ផ្សេងទៀតបានរងរបួសនៅក្នុងអគ្គិភ័យដែលបានឆាបឆេះនៅលើនាវាដឹកប្រេង Stolt Groenland ដែលជានាវាផ្ទុកទំងន់ ២៥០០តោន នៅកោះ Cayman ក្នុងកំពង់ផែ Ulsan ភាគខាងត្បូង។
មាននាវិក ២៥ នាក់នៅលើនោះរួមមានទាំងជនជាតិរុស្ស៊ីនិងហ្វីលីពីនផងដែរ ហើយភ្លើងបានឆាបឆេះដល់នាវាដឹកប្រេងមួយផ្សេងទៀតដែលមិនបានបញ្ជាក់ថាបានចតនៅក្បែរនោះ។
នាវិកទាំងអស់នៅលើនាវាដឹកប្រេង Stolt Groenland រួមទាំងនាវិក២១នាក់ទៀតនៅលើនាវាផ្សេងទៀតត្រូវបានជួយសង្គ្រោះ។
ឆ្មាំសមុទ្របានបើកការស៊ើបអង្កេតទៅលើមូលហេតុនៃឧប្បត្តិហេតុនេះ៕