អ៊ីតាលី៖ ការប្រកួតវគ្គជម្រុះព្រឹត្តិការណ៍ពានរង្វាន់ EURO 2020 ក្នុងពូល J កាលពីយប់មិញជើងខ្លាំងអ៊ីតាលី បានបន្តកំណត់ត្រាឈ្នះទាំង ១០ប្រកួតក្រោយយកឈ្នះ អាមេនី ៩-១ ក្នុងការប្រកួតចុងក្រោយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស៤គ្រាប់របស់អ៊ីតាលីរកបាននៅក្នុងវគ្គទីមួយដោយកីឡាករ Immobile ២គ្រាប់នៅនាទីទី៨ និង៣៣, Zaniolo ១គ្រាប់នៅនាទី៩ និង១គ្រាប់ទៀតធ្វើបានសម្រេចដោយ Nicolo Barella នៅនាទី២៩។
ការប្រកួតឈានចូលដល់វគ្គទីពីរនៅនាទីទី៦៤ទើប Zaniolo បានរកគ្រាប់ទី៥ឲ្យអ៊ីតាលីនិងជាគ្រាប់ទីពីររបស់ខ្លួន មុននឹងអ៊ីតាលីបន្តរកបាន ៤គ្រាប់ទៀតដោយកីឡាករ៤រូបផ្សេងគ្នារួមមាន Romagnoli, Jorgino, Riccardo Orsoilni និង Federico Chiesa។ ចំណែកឯមួយគ្រាប់របស់ក្រុមភ្ញៀវអាមេនី រកបាននៅនាទីទី៧៩ ដោយកីឡាករ Edgar Babayan។
នៅក្នុងការប្រកួតនោះអ៊ីតាលីបានបើកការសម្រុកខ្លាំងមែនទែន ដោយគ្រប់គ្រងបាល់ដល់ទៅ៦៥% និងមានឱកាសស៊ុតចំគោលដៅ ១៣លើក និងខុសគោលដៅ ១០លើក សរុប ២៣លើក។
បិទបញ្ចប់ការប្រកួតវគ្គជម្រុះ ក្រុមរបស់លោក Roberto Mancini បានកក់កៅអីទៅលេងជុំផ្ដាច់ព្រ័ត្រក្រោយ ១០ប្រកួត ឈ្នះទាំង១០ មាន៣០ពិន្ទុ ឈរនៅលេខ១ក្នុងពូល J ខណៈដែលឡើងទៅជាមួយអ៊ីតាលីគឺហ្វាំងឡង់ ឈរនៅលេខ២ មាន១៨ពិន្ទុ ១០ប្រកួត ឈ្នះ៦ និងចាញ់៤៕
ចង់ឃើញថា អ៊ីតាលី សម្រុកខ្លាំងទៅលើអាមេនី យ៉ាងណានោះ ទៅទស្សនាវីដេអូ Highlight នៅខាងក្រោមទាំងអស់គ្នា៖