អាមេរិក៖ យ៉ាងហោចណាស់មានមនុស្ស៤នាក់ត្រូវបានបាញ់សម្លាប់ និង៦នាក់ទៀតរងរបួសក្នុងការបាញ់ប្រហារមួយនៅទីក្រុង Fresno រដ្ឋ California កាលពីយប់មិញ បន្ទាប់ពីមានខ្មាន់កាំភ្លើងបានធ្វើការបាញ់រះ ហើយរត់គេចខ្លួនបាត់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមនុស្ស៣នាក់បានស្លាប់នៅនឹងកន្លែង និងម្នាក់ទៀតស្លាប់នៅមន្ទីរពេទ្យ បន្ទាប់ពីមានជនមិនស្គាល់អត្តសញ្ញាណបានលួចចូលទៅក្នុងសួនច្បារមួយ ខណៈពេលមានមនុស្សជាច្រើនកំពុងមើលការប្រកួតបាល់ទាត់។ ប៉ូលិសម្នាក់បាននិយាយថា ការបាញ់សម្លាប់នេះបានកើតឡើងនៅប្រហែលម៉ោង៦ល្ងាចកាលពីយប់មិញ ហើយមនុស្សភាគច្រើននៅឯកម្មវិធីប្រកួតបាល់ទាត់នោះគឺសុទ្ធតែជាក្រុមគ្រួសារនិងមិត្តភក្តិ។ លោកអនុប្រធាន Michael Reid បាននិយាយថា មនុស្ស៦នាក់ដែលរងរបួសត្រូវបានគេរំពឹងថា នឹងមិនមានគ្រោះថា្នក់ដល់ជីវិតទេ ហើយពួកគេកំពុងសម្រាកព្យាបាលនៅមន្ទីរពេទ្យ។ លោក Lt Bill Dooley ប៉ូលិសប្រចាំទីក្រុង Fresno បានឲ្យដឹងថា អ្វីដែលយើងដឹងគឺថា នេះគឺជាការជួបជុំក្រុមគ្រួសារនិងមិត្តភក្តិនៅឯទីតាំងកើតហេតុ ។
មនុស្សគ្រប់គ្នាកំពុងមើលបាល់ទាត់នៅល្ងាចនេះ ខណៈពេលដែលជនមិនស្គាល់មុខបានចូលមកដល់ទីតាំងនិងទៅក្នុងទីធ្លាខាងក្រោយ ហើយបានបើកការបាញ់ប្រហារ។ ភ្នាក់ងារមកពីការិយាល័យជាតិអាល់កុលថ្នាំជក់អាវុធនិងអាវុធជាតិផ្ទុះនៅ San Francisco កំពុងឆ្លើយតបនឹងការបាញ់ប្រហារនេះ។ យ៉ាងហោចណាស់វាគឺជាការបាញ់ប្រហារដ៏សាហាវលើកទី២ ដែលកាលពីថ្ងៃអាទិត្យនៅភាគអាគ្នេយ៍ទីក្រុង Fresno មានបុរសម្នាក់អាយុខ្ទង់ ២០ ឆ្នាំត្រូវបានគេបាញ់សម្លាប់នៅព្រឹកថ្ងៃអាទិត្យនៅឯផ្ទះ នៅផ្នែកមួយផ្សេងទៀតនៃទីក្រុង។ ក្រុមប៉ូលិសមិនបានឲ្យដឹងទៀតទេ ថាតើហេតុការណ៍អាចមានការជាប់ពាក់ព័ន្ធគ្នា ប៉ុន្តែក្រុមប៉ូលិសបាននិងកំពុងតាមប្រមាញ់រកជនដៃដល់ ៕