អង់គ្លេស៖ ក្លិបតោខៀវ Chelsea ត្រូវបានគេរាយការណ៍ថាបានចូលខ្លួនប្រជែងជាមួយនឹងក្លិបធំៗពីរនៅអឺរ៉ុបរួមមានក្លិប FC Barcelona និង Arsenal ក្នុងការដណ្ដើមយកខ្សែបម្រើប្រយុទ្ធសញ្ជាតិប្រេស៊ីល១រូបរបស់ក្លិប Flamengo កីឡាករ Reinier Jesus។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករ Reinier ក្នុងរដូវកាលនេះបានបង្ហាញទម្រង់លេងយ៉ាងលេចធ្លោ ដោយក្នុងចំណោម១៣ប្រកួត រូបគេស៊ុតបញ្ចូលទីបាន៤គ្រាប់ និងបញ្ជូនបាល់អោយមិត្តរួមក្រុមបញ្ចប់ទីចំនួន២ដង។
យោងតាមកាសែត Mundo Deportivo បានអោយដឹងថាក្លិបកាំភ្លើងធំ Arsenal បានទាក់ទងទៅឪពុករបស់ Reinier ដើម្បីបញ្ចុះបញ្ចូលកីឡាកររូបនេះអោយមកចូលរួមជាមួយនឹងពួកគេ។ ខណៈពេលដែលកាសែត Blaugrana បានបញ្ជាក់ថាក្លិប Barca បានតាមដានពីទម្រង់លេងកីឡាករ Reinier ជាច្រើនខែមកហើយ។
យ៉ាងណាមិញកាលពីពេលថ្មីនេះ កាសែត Express បានចុះផ្សាយថាក្លិបតោខៀវ Chelsea បានចូលរួមប្រជែងជាមួយនឹងក្លិបធំៗទាំងពីរនេះ ក្នុងការដណ្ដើមយកកីឡាករ Reinier។
ក្លិប Chelsea ជឿជាក់ថាការដាក់បម្រាមទិញដូររបស់ពួកគេនឹងត្រូវបានដកចេញ ហើយពួកគេនឹងអាចទិញកីឡាករចូលវិញបាននៅខែមករាខាងមុខ។ តាមរយៈប្រភពដដែលបានបន្តអោយដឹងទៀតថា ក្លិប Flamengo នឹងមិនអនុញ្ញាតអោយកីឡាករ Reinier ចាកចេញក្រោមតម្លៃ៧០លានផោន (ឬប្រហែល៩០,៦លានដុល្លារអាមេរិក) នោះទេ។
គួរបញ្ជាក់ផងដែរថាកីឡាករ Reinier Jesus ជាយុវជនថ្នាលរបស់ក្លិប Flamengo ហើយត្រូវបានក្លិបតម្លើងអោយមកលេងក្នុងឈុតធំ កាលខែមករា ឆ្នាំ២០១៩នេះ៕
ប្រភព៖ Caughtoffside