ក្លិប Manchester United ត្រូវបានគេរាយការណ៍ថាកំពុងត្រៀមប្រជែងជាមួយនឹងក្លិបអ្នកមានបុណ្យ FC Barcelona ដណ្ដើមយកខ្សែបម្រើវ័យក្មេងសញ្ជាតិបារាំង១រូបរបស់ក្លិប Rennes កីឡាករ Eduardo Camavinga។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករវ័យ១៧ឆ្នាំរូបនេះ មានតម្លៃទិញផ្ដាច់កុងត្រាចំនួន ២៥,៦លានផោន (ឬប្រហែល ៣៣លានដុល្លារអាមេរិក) ហើយក្លិបបិសាចក្រហម Manchester United បានសម្លឹងឃើញកីឡាកររូបនេះ ជាបេក្ខភាពដែលអាចមកជំនួសកន្លែងកីឡាករ Paul Pogba ដែលមានទំនាក់ទំនងខ្លាំងក្នុងការផ្ទេរទៅកាន់ក្លិប Real Madrid នាខែមករាខាងមុខ ។
យោងតាមកាសែត Metro បានអោយដឹងថា ក្លិប Man Utd ត្រៀមខ្លួនរួចជាស្រេចក្នុងការប្រជែងជាមួយនឹង Barca ក្នុងការនាំយកកីឡាកររូបនេះមកកាន់ប្រទេសអង់គ្លេស។
កីឡាករ Camavinga បានជាប់ជាប្រធានក្រុមជម្រើសជាតិបារាំងអាយុក្រោម ២១ឆ្នាំជាលើកដំបូងកាលពីសប្ដាហ៍មុននេះ ដោយស្នងពីកីឡាករ Matteo Guendouzi របស់ក្រុម Arsenal ដែលបានតម្លើងទៅលេងក្នុងឈុតធំ។
ខ្សែបម្រើសញ្ជាតិបារាំងរូបនេះ បច្ចុប្បន្នកំពុងជាប់កុងត្រាជាមួយនឹងក្លិប Rennes រហូតដល់ឆ្នាំ២០២២។
គួររម្លឹកផងដែរថាកីឡាករ Eduardo Camavinga ជាយុវជនថ្នាលរបស់ក្លិប Rennes ហើយបានតម្លើងអោយមកលេងក្នុងឈុតធំកាលពីដើមឆ្នាំ២០១៩នេះ ដោយបង្ហាញខ្លួនសរុបបានចំនួន២៣ប្រកួត៕
ប្រភព៖ The Sun