ចង់ដាច់ផ្ងារ! នារីម្នាក់ ត្រូវមិត្តភក្ដិធ្វើបាប ដោយព្រីនប័ណ្ណឡើងយន្ដហោះដ៏ធំមួយសន្លឹក បង្កការអស់សំណើចពេញព្រលានយន្ដហោះ (មានវីដេអូ)

ម៉ាឡេស៊ី៖ ជាការពិតណាស់ ការធ្វើបាបមិត្តភក្ដិបែបលេងសើច គឺតែងតែកើតមានចំពោះមិត្តភក្ដិស្និទ្ធស្នាល។ ជាក់ស្ដែងថ្មីៗកន្លងទៅនេះ នារីម្នាក់នៅឯប្រទេសម៉ាឡេស៊ី ត្រូវបានមិត្តភក្ដិធ្វើបាប ដោយព្រីនប័ណ្ណឡើងយន្ដហោះដ៏ធំមួយសន្លឹក ធ្វើឲ្យមានការផ្ទុះសំណើចយ៉ាងខ្លាំងនៅព្រលានយន្ដហោះ។

ប្រភពបានឲ្យដឹងថា នារីម្នាក់ឈ្មោះថា Stephy Teo ត្រូវបានមិត្តភក្ដិរបស់នាងម្នាក់ឈ្មោះថា Geraldine Loh ព្រីនប័ណ្ណឡើងយន្ដហោះដ៏ធំមួយសន្លឹក ដែលមានទំហំខុសប្លែកពីធម្មតាឲ្យទៅនាង។

យោងតាមវីដេអូដែលបង្ហោះនៅលើបណ្ដាញសង្គមហ្វេសប៊ុកបានបង្ហាញឲ្យឃើញថា នាង​ Stephy បានទទួលប័ណ្ណឡើងយន្ដហោះពីមិត្តភក្ដិរបស់នាងមួយសន្លឹក។ ភ្លាមៗនោះ នាងបានសង្កេតឃើញថា ប័ណ្ណនោះគឺមានភាពខុសប្រក្រតី ហើយក៏ចាប់ផ្ដើមផ្ទុះសំណើច។ បន្ទាប់មក នាងបានបើកមើល ទើបឃើញថាប័ណ្ណនោះគឺមានទំហំស្មើនឹងក្រដាស A0។ ក្រោយមកទៀត នាងបានហុចប័ណ្ណឡើងយន្ដហោះនោះ ទៅកាន់សន្ដិសុខដើម្បីឆែកមើល។ ឃើញដូច្នេះ សុន្ដិសុខសឹងតែទប់សំណើចមិនជាប់។

លុះពេលដែលនៅលើយន្ដហោះ នារីម្នាក់ដែលជាបុគ្គលិកបម្រើការងារបានអស់សំណើច និងនិយាយបែបលេងសើចទៅកាន់ពួកគេថា៖

យ៉ាងណាមិញ ក្រោយពីបង្ហោះវីដេអូនោះទៅលើបណ្ដាញសង្គមរួចមក ទទួលបានការចាប់អារម្មណ៍យ៉ាងខ្លាំង និងមានអ្នកចូលទស្សនារហូតដល់ទៅ២លានដងទៀតផង៕

សូមទស្សនារូបភាពនិងវីដេអូខាងក្រោម៖