ភ្នំពេញ៖ ក្រុមហ៊ុន MoneyGram International, Inc ដែលជាក្រុមហ៊ុនផ្ញើប្រាក់ធំជាងគេបំផុតនៅលើពិភពលោក បានប្រកាសនៅថ្ងៃនេះថាខ្លួនកំពុងធ្វើជាដៃគូជាមួយធនាគារឯកទេសវីង (ខេមបូឌា) លីមីតធីត ដែលជាអ្នកផ្តល់សេវាធនាគារចល័តឈានមុខគេនៅកម្ពុជា ដើម្បីផ្តល់ជូននូវសេវាកម្មថ្មីមួយដែលនឹងអនុញ្ញាតឱ្យអតិថិជនទទួលបានមូលនិធិដោយផ្ទាល់ចូលទៅក្នុងទូរស័ព្ទដៃរបស់ពួកគេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក Alex Holmes ប្រធាននាយកប្រតិបត្តិ និងជានាយកប្រតិបត្តិរបស់ MoneyGram មានប្រសាសន៍ថា៖
“ដោយសារតែ ៨០ ភាគរយ នៃប្រតិបត្តិការតាមអ៊ិនធើណេតរបស់យើងត្រូវបានធ្វើឡើងនៅលើទូរស័ព្ទដៃ យើងកំពុងសម្លឹងរកមើលការផ្តល់ជូននូវជម្រើសកាន់តែច្រើនសម្រាប់អតិថិជនរបស់យើងដោយប្រើប្រព័ន្ធឌីជីថលរបស់យើង។ វីងជាក្រុមហ៊ុនឈានមុខគេក្នុងការទូទាត់ប្រាក់តាមទូរស័ព្ទ និងអេឡិចត្រូនិច ហើយសេវាកម្មថ្មីនេះនឹងក្លាយជាទ្រព្យសម្បត្តិដ៏មានតម្លៃសម្រាប់អ្នកមិនមានគណនីធនាគារនៅកម្ពុជា ដែលអនុញ្ញាតឱ្យអ្នកប្រើប្រាស់អាចផ្ញើប្រាក់ឆ្លងកាត់ព្រំដែនឌីជីថលពីគ្រប់ទីកន្លែង”។
ជាមួយភាពជាដៃគូនេះអតិថិជនរបស់ MoneyGram អាចផ្ញើ និងទទួលប្រាក់យ៉ាងងាយស្រួលតាមរយៈកម្មវិធីស្មាតហ្វូនវីង។ អតិថិជនក៏មានជម្រើសក្នុងការដកប្រាក់តាមរយៈភ្នាក់ងារវីង ដែលមានជាង ៧,០០០ កន្លែង ក្នុងប្រទេសកម្ពុជាផងដែរ។
លោក Manu Rajan អគ្គនាយកនៃធនាគារឯកទេសវីង (ខេមបូឌា) លីមីតធីត បានមានប្រសាសន៍ថា៖
យោងតាមធនាគារជាតិនៃកម្ពុជាបានឲ្យដឹងថា ថវិកាដែលបានបញ្ជូនត្រឡប់មកប្រទេសវិញពីពលករចំណាកស្រុកកម្ពុជាសរុបមានចំនួន ១,៤ ពាន់លានដុល្លារក្នុងឆ្នាំ ២០១៨ ។ ចំនួននេះត្រូវបានគេរំពឹងថា នឹងកើនឡើងជាងនេះ ព្រោះថាប្រាក់ដែលបានផ្ញើមកពីប្រជាជនកម្ពុជាដែលធ្វើការនៅក្រៅប្រទេសបានផ្តល់នូវប្រភពចំណូលដ៏សំខាន់សម្រាប់ក្រុមគ្រួសារដែលត្រូវការចំណាយប្រចាំថ្ងៃ ធ្វើវិនិយោគ និងសងប្រាក់កម្ចីនានា។
MoneyGram គឺជាក្រុមហ៊ុនឈានមុខគេលើសេវាកម្មផ្ទេរប្រាក់ និងការទូទាត់ប្រាក់ដែលអាចជួយមិត្តភក្តិនិងក្រុមគ្រួសារឲ្យផ្ញើប្រាក់សម្រាប់តម្រូវការប្រចាំថ្ងៃក្នុងជីវិតដោយចំណាយតិច មានទំនុកចិត្ត ព្រមទាំងងាយស្រួលទៅកាន់ជាង ២០០ ប្រទេស និងតំបន់៕