ភ្នំពេញ៖ ការប្រកួតប្រដាល់គុនខ្មែរ ដណ្ដើមខ្សែក្រវ៉ាត់របស់ស្ថានីយ៍ទូរទស្សន៍បាយ័នកាលពីថ្ងៃល្ងាចថ្ងៃអាទិត្យម្សិលមិញ កីឡាករកម្ពុជា ឡុង វ៉ៃ បានយក៣ពិន្ទុបន្ទាប់ពីផ្ដួលកីឡាករថៃ ក្វាន់អេក ឲ្យសន្លប់ធំនៅក្នុងទឹកទី១។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគោះជួងចាប់ផ្ដើមទឹកទី១ កីឡាករទាំងពីរមិនសូវជាសម្រុកគ្នាប៉ុន្មាននោះទេ ដោយគ្រាន់តែស្ទាបស្ទង់គ្នាទៅវិញទៅមកប៉ុណ្ណោះ។ យ៉ាងណាមិញនៅចុងទឹក ឡុង វ៉ៃ បានប្រើកែងបុកកាណូតវាយចូលពេញធ្វើឲ្យកីឡាករថៃដេកដួល និងក្រោកមិនរួចបើទោះបីជាលោកអាជ្ញាកណ្ដាល ម៉ី រតនៈ រាប់ដល់១០។
គួរឲ្យដឹងដែរថា ការជ័យជម្នះលើកនេះគឺជាការសងសឹកដ៏ល្អរបស់ឡុង វ៉ៃ បន្ទាប់ពីលើកមុនអ្នកប្រដាល់វ័យក្មេងមកពីខេត្តកំពង់ធំរូបនេះធ្លាប់ប្រកួតចាញ់ ក្វាន់អេក ដោយពិន្ទុ៕
ចង់ឃើញថា កែងបុកកាណូតរបស់ ឡុង វ៉ៃ ធ្ងន់យ៉ាងណានោះ ទៅទស្សនាវីដេអូខាងក្រោមទាំងអស់គ្នា៖