រុស្ស៊ី៖ ខ្សែបម្រើប្រយុទ្ធរបស់ក្លិប Real Madrid កីឡាករ Eden Hazard បាននិយាយថាអ្នកចាត់ការទូទៅក្រុមតោខៀវ Chelsea បច្ចុប្បន្ន លោក Frank Lampard អាចក្លាយជាគ្រូបង្វឹកដ៏ឆ្នើម១រូបលើលោក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក Frank Lampard បានឡើងមកដឹកនាំក្រុមតោខៀវ Chelsea ជំនួសលោក Maurizio Sarri ក្នុងរដូវកាល២០១៩/២០ នេះ ដោយកំពុងដឹកនាំក្រុមឈរចំណាត់ថ្នាក់លេខ ៣ក្នុងតារាង Premier League មាន២៦ពិន្ទុសរុប ក្នុងចំណោម១២ប្រកួត តាមពីក្រោយក្រុមកំពូលតារាង Liverpool ៨ពិន្ទុ។
បច្ចុបុ្បន្នក្រុម Chelsea គឺជាក្រុមដែលដែលមានទម្រង់លេងល្អមួយក្នុងក្របខណ្ឌ Premier League ដោយ៥ប្រកួតចុងក្រោយក្នុងលីគពួកគេឈ្នះទាំង៥ប្រកួត។
Hazard បានថ្លែងក្នុងសន្និសិទកាសែត ក្រោយក្រុមប៊ែលហ្សិកទទួលជ័យជម្នះ ទៅលើក្រុម រុស្ស៊ីក្នុងលទ្ធផល ៤ទល់នឹង១ ក្នុងការប្រកួតជម្រុះយូរ៉ូឆ្នាំ២០២០ កាលពីថ្ងៃសៅរ៍ថា៖
"ខ្ញុំមិនមានការភ្ញាក់ផ្អើលខ្លាំងចំពោះ Frank Lampard នោះទេ។ ខ្ញុំស្គាល់គាត់ក្នុងនាមជាកីឡាករ គាត់ជាមនុស្សដ៏អស្ចារ្យម្នាក់។ គាត់បានបង្ហាញក្នុងរយៈពេល៤ខែនេះរួចទៅហើយអំពីសម្ថភាពរបស់គាត់ថាគាត់អាចជាគ្រូបង្វឹកដ៏ឆ្នើម១រូបលើលោក។"
Hazard បានបន្តទៀតថា៖
"ចំណុចល្អនោះគឺពួកគេប្រើប្រាស់កីឡាករអង់គ្លេសក្មេងៗ ហើយពួកគេពិតជាមានសំណាងណាស់ដែលមានកីឡាករក្មេងៗប្រកបដោយគុណភាព៕"
ប្រភព៖ 101greatgoals
Bong I.T