កូសូវ៉ូ៖ ក្រុមតោកំណាចអង់គ្លេស បានយកឈ្នះក្រុមម្ចាស់ផ្ទះកូសូវ៉ូ ដោយលទ្ធផល ០ទល់នឹង៤ នៅក្នុងការប្រកួតបិទបញ្ចប់វគ្គជម្រុះពានរង្វាន់ EURO 2020 កាលពីយប់មិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅវគ្គទីមួយអង់គ្លេស នាំមុខមុនដោយលទ្ធផល ០ទល់នឹង១ ដោយការពញ្ញាក់ចង្កេះខ្សែការពារយ៉ាងល្អរបស់ Harry Winks មុននឹងស៊ុតបាល់បញ្ចូលទី បន្ទាប់ពីការបញ្ជូនបាល់យ៉ាងស្អាតរបស់កីឡាករ Alex Oxlade-Chamberlain។
ឈានចូលដល់វគ្គទីពីរទើបអង់គ្លេសអាចរកបានគ្រាប់បាល់ ៣គ្រាប់បន្ថែមទៀតពីកីឡាករចំនួន៣រូបផ្សេងគ្នារួមមាន Harry Kane នៅនាទីទី៧៩, Marcus Rashford នៅនាទី៨៣ និងគ្រាប់ចុងក្រោយរកបានដោយកីឡាករកំពុងឡើងកូដរបស់ Chelsea Mason Mount នៅនាទីទី៩០។
បិទបញ្ចប់ការប្រកួតវគ្គជម្រុះពូល A ក្រុមរបស់លោក Gareth Southgate បានកក់កៅអីទៅជុំផ្ដាច់ព្រ័ត្រដោយឈរនៅលេខ១ លេង៨ប្រកួត មាន២១ពិន្ទុ ឈ្នះ៧ និងចាញ់១ ខណៈក្រុមដែលចាប់ដៃអង់គ្លេសទៅលេងជុំផ្ដាច់ព្រ័ត្រជាមួយគ្នាគឺឆេក លេង៨ប្រកួត ឈ្នះ៥ ចាញ់៣ និងមាន១៥ពិន្ទុ៕
សូមទស្សនាវីដេអូ Highlight ការប្រកួតរវាងកូសូវ៉ូ និងអង់គ្លេសនៅខាងក្រោម៖