រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា ស្នេហាក្លាយជាហិង្សាកើតមានស្ទើរតែរាល់ថ្ងៃ ដោយសារតែសុរាផឹកកាលណា ខ្លាចិត្តពេលនោះ រហូតដល់ប្រពន្ធទ្រាំលែងបាន ឌុបកូន២នាក់ រត់ទៅប្តឹងសមត្ថកិច្ច បង្កឱ្យមានការភ្ញាក់ផ្អើលកាលពី ម៉ោង៩និង៣០នាទីយប់ ថ្ងៃទី១៦ ខែវិច្ឆិកា ឆ្នាំ២០១៩ ស្ថិតនៅភូមិតាងួន សង្កាត់កាកាប១ ខណ្ឌពោធិ៍សែនជ័យ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមសម្តីភាគីខាងប្រពន្ធបានឲ្យដឹងថា គាត់បានគ្នាជាប្តីប្រពន្ធអស់រយៈពេល៨ឆ្នាំមកហើយ គ្រាដែលខ្លួនមេម៉ាយ ខាងប្តីពោះម៉ាយកូន២នាក់ ហើយក្នុងដំណើរជីវិតគ្រួសារ ស្នេហានឹកថា ផ្អែមមិនចាញ់គេនៅក្មេងនោះទេ ។ តែផ្ទុយទៅវិញ… ពុទ្ធោអើយ!!! រងកម្មដោយសារប្តីផឹក ថ្ងៃណាក៏ផឹកមិនលួសថ្ងៃ តិចណាស់ដែលអត់ផឹក ហើយកាលណាបើសុរាចូលខ្លួនហើយ ប្តូរអស់និស្ស័យចិត្ត ចាត់ទុកប្រពន្ធដូចសត្វធាតុ កែងឆេះ ជង្គង់ហោះ ទក់សាច់។
ប្រភពដដែលបន្តថា អូសបន្លាយពេល៨ឆ្នាំ រហូតមានកូន២នាក់ លុះរហូតមកដល់យប់ថ្ងៃទី១៦ ខែវិច្ឆិកានេះ ដោយប្រពន្ធទ្រាំលែងបានទៀតហើយ ក៏ឌុបនាំកូនរត់ទៅប្តឹងប៉ូលិស ក្នុងគោលជំហរមួយឱ្យប្តីកិច្ចសន្យាបញ្ឈប់នូវអំពើហិង្សាក្នុងគ្រួសារ បើពុំនោះទេ មានតែចែកផ្លូវគ្នាដើរប៉ុណ្ណោះ ទោះបីជាធ្លាក់ខ្លួនជាស្ត្រីមេម៉ាយ២ដង ក៏សុខចិត្តដែរ ប្រសើរជាងរស់នៅក្រំគ្រាចិត្ត ។
ក្រោយពេលកើតហេតុ បុរសជាប្តីក៏បានទៅដល់ប៉ុស្តិ៍នគរបាលដោយស្ថានភាពស្រវឹង ថែមទាំងមានក្លិនស្រាជះហួង និងបញ្ចេញកាយវិការមិនគប្បី ព្រមទាំងសម្តីអស់ទាស់ទៀតផង ។ (កែសម្រួលដោយ ៖ បុប្ផា)
ប្រភព៖ កោះសន្តិភាព
Bong I.T