ខេត្តកណ្តាល ៖ ជនសង្ស័យមានប្រុសមានស្រីចំនួន១០នាក់បានត្រូវនគរបាលស្រុកអង្គស្នួល សហការជាមួយប៉ុស្តិ៍នគរបាលរដ្ឋបាលដំណាក់អំពិលធ្វើការបង្ក្រាបបាននៅក្នុងផ្ទះសំណាក់៨៨ កំពុងជួញដូរ និងប្រើប្រាស់គ្រឿងញៀន ។ ហេតុការណ៌នេះបានកើតឡើងនៅថ្ងៃទី១៥ ខែវិច្ឆិកា ឆ្នាំ២០១៩ វេលាម៉ោង០៥និង៣០នាទីល្ងាច នៅចំណុចក្នុងបន្ទប់ផ្ទះសំណាក់៨៨ ស្ថិតនៅភូមិថ្នល់ទទឹង ឃុំដំណាក់អំពិល ស្រុក អង្គស្នួល ខេត្តកណ្តាល ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោកវរសេនីយ៍ មាន សំណាង អធិរនគរបាលស្រុកអង្គស្នួលបានប្រាប់ឱ្យដឹងថា នៅវេលាម៉ោងកើតហេតុខាងលើកម្លាំងផ្នែកនគរបាលប្រឆាំងគ្រឿងញៀនបានទទួលព័ត៌មានពីអ្នកគ្រប់គ្រងផ្ទះសំណាក់ថាមានមុខសញ្ញាជួញដូរ និងប្រើប្រាស់គ្រឿងញៀននៅក្នុងបន្ទប់លេខ២៨ លេខ២៤ និងលេខ២៥ ។
ភ្លាមនោះកម្លាំងជំនាញបានសហការជាមួយកម្លាំងប៉ុស្តិ៍នគរបាលរដ្ឋបាល ដំណាក់អំពិល បានចុះទៅដល់កន្លែងកើតហេតុឃើញជនសង្ស័យ០២នាក់នៅក្នុងបន្ទប់លេខ២៨ និងមានថ្នាំញៀន និងឧបករណ៍ប្រើប្រាស់ថ្នាំញៀន ចំណែកនៅក្នុងបន្ទប់លេខ២៤មានជនសង្ស័យ០៤នាក់ ស្រី០២នាក់ ឃើញមានឧបករណ៏ប្រើប្រាស់ថ្នាំញៀន រីឯនៅក្នុងបន្ទប់លេខ២៥មានជនសង្ស័យ០៤នាក់ ជនសង្ស័យសរុបទាំងអស់១០នាក់មានស្រី០៤នាក់ ។
តាមចម្លើយសារភាពរបស់ជនសង្សយ័ឈ្មោះ ទូច សុភា ហៅញ៉ាញ់ បានឆ្លើយថា ខ្លួនបានទៅទិញថ្នាំញៀនពីឈ្មោះ ពេញ សុធារ៉ា ហៅវិរះ នៅបន្ទប់លេខ២៨ តែត្រូវសមត្ថកិច្ចទៅដល់ឃាត់ខ្លួនតែម្តង ។ ជនសង្ស័យរួមជាមួយវត្ថុតាងត្រូវបានបញ្ជូនមកកាន់អធិការដ្ឋាននគរបាលស្រុក ដើម្បីសាកសួរបន្ត និងកសាងសំណុំរឿងចាត់ការតាមនីតិវិធីច្បាប់ ៕
ប្រភព៖ កោះសន្តិភាព