អាមេរិក៖ មិនត្រឹមតែជាតារាចម្រៀងល្បីឈ្មោះតែប៉ុណ្ណោះនោះទេ ប៉ុន្តែ Selena ក៏ត្រូវបានចាត់ទុកថា ជាតារាអ៊ីនស្តាក្រាមលំដាប់ពិភពលោកម្នាក់ផងដែរ ដោយគណនីអ៊ីនស្តាក្រាមផ្ទាល់ខ្លួនរបស់នាង មានអ្នកចុចតាមដាន Follow រហូតដល់ទៅ១៦១លាននាក់ ចំណែកឯរូបថតនីមួយៗដែលនាងបានបង្ហោះវិញ គឺសុទ្ធសឹងតែមានអ្នកចូល Like មិនក្រោម៣លាននាក់ឡើងនោះទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែង ក៏ដូចជាថ្មីៗនេះ ម្ចាស់បទ «Lose You To Love Me» រូបនេះ ក៏បានធ្វើការបង្ហោះនូវរូបថតមិនប៉ុន្មានសន្លឹករបស់នាង ដែលត្រូវបានគេលួចថត ខណៈពេលដែលនាងកំពុងតែអង្គុយញុំា Pasta យ៉ាងព្រងើយហាក់បីដូចជាមិនខ្វល់ខ្វាយអ្វី ដែលមើលទៅពិតជាមានសេចក្តីសុខខ្លាំងមែនទែន។
ដោយឡែក អ្វីដែលគួរឲ្យភ្ញាក់ផ្អើលជាងនេះទៀតនោះ គឺបន្ទាប់ពីរូបថតទាំងនេះ ត្រូវបានបង្ហោះចេញទៅ ស្រាប់តែគេឃើញថា មានអ្នកចូល Like រហូតដល់ទៅជាង ៧លាននាក់ឯណោះ ត្រឹមរយៈពេលដ៏ខ្លីបំផុត សឹងមិនគួរឲ្យជឿ។
យ៉ាងណាមិញ ទាំងនេះហើយ បានបញ្ជាក់ឲ្យឃើញថា បើទោះបីជា Selena ទៅជាយ៉ាងណាក៏ដោយ ឬក៏បង្ហោះរូបថតអង្គុយញុំភ្លេចខ្លួនបិទភ្នែកអ្វីក៏ដោយ ក៏អ្នកគាំទ្រនៅតែផ្តល់សេចក្តីស្រលាញ់ចំពោះនាងផងដែរ៕