ក្រុមហ៊ុន Apple នឹង​បញ្ឈប់វត្តមាន MacBook Pro ១៥អ៊ីញ ខណះពេលបង្ហាញម៉ូដែលថ្មី១៦អ៊ីញ

បរទេស៖ កាលពីថ្ងៃពុធម្សិលមិញនេះ​ Apple បានបង្ហាញនូវកុំព្យូទ័រ MacBook Pro ទំហំ១៦អ៊ីញ។

ប៉ុន្តែជាមួយនឹងការបង្ហាញម៉ូដែលថ្មីនេះ ក្រុមហ៊ុនយក្ស​នេះបានបញ្ឈប់ការផលិតម៉ូដែល MacBook Pro ទំហំ១៥អ៊ីញ។ ក្រុមហ៊ុន​ក៏មិនបានលើកឡើងពីមូលហេតុនៃការឈប់ផលិត MacBook Pro ស្របពេលដែលក្រុមហ៊ុនបានប្រកាសចេញ MacBook Pro ទំហំ១៦អ៊ីញដែរ។

បើយើងក្រឡេកមើលចាប់ពីខែឧសភា រហូតដល់ពេលនេះឃើញថា MacBook Pro ទំហំ១៥អ៊ីញរបស់ក្រុមហ៊ុន ​Apple គឺជាកុំព្យូទ័រយួរដៃមួយក្នុងចំណោមកុំព្យូទ័រយួ​រដៃ ដែលមានប្រជាប្រិយបំផុតរបស់ក្រុមហ៊ុន។

ទោះយ៉ាងណា ក្រុមហ៊ុនបានសម្រេចចិត្តលុបបំបាត់ដល់ម៉ូដែល១៥អ៊ីញ ​ហើយជំនួសមកវិញដោយម៉ូដែល MacBook Pro ១៦អ៊ីញដែលទើបនឹងចេញថ្មី។

ក្រុមហ៊ុនបាននឹងកំពុងព្យាយាមដោះស្រាយបញ្ហានៃម៉ូដែល MacBook Pro មុនៗរបស់ខ្លួន​ ហើយយន្តការ​ដែលក្រុមហ៊ុនបាន​ដាក់ចេញកាលពីខែមេសាឆ្នាំ ២០១៥ នោះ បានជះឥទ្ធិពលដល់ដំណើរការអ្នកប្រើប្រាស់នៅលើម៉ូដែល MacBook Pro ជំនាន់ថ្មីៗ។ ​

ម៉ាស៊ីន MacBook Pro ១៦ អ៊ីញដែលទើបមកដល់ថ្មីៗត្រូវបានគេប្រកាសថា នឹងដំណើរការបានលឿនជាងមុនដល់ទៅ៨០ភាគរយ។ ស្រដៀងគ្នានេះដែរក្រុមហ៊ុន Apple បានអះអាងថា ម៉ូដែល MacBook Pro ស៊េរីថ្មីនឹងផ្តល់នូវដំណើរការក្រាហ្វិកលឿនជាងការកំណត់ស្តង់ដារមុន ២,១ ដង។

គួរឲ្យដឹងផងដែរថា ក្រុមហ៊ុន Apple មិនបានបង្ហាញកាលបរិច្ឆេទនៃការចេញលក់ MacBook Pro ទំហំ ១៦ អ៊ីញនៅក្នុងប្រទេសឥណ្ឌាទេ។ ទោះយ៉ាងណា ម៉ូដែលថ្មីនេះនឹងត្រូវដាក់លក់លើទីផ្សារសហរដ្ឋអាមេរិកនៅសប្តាហ៍នេះដោយតម្លៃចាប់ផ្តើមពី ២,៣៩៩ ដុល្លារ (ប្រហែល ១,៧២,៦០០ រូពី) ហើយចំណែកឯតម្លៃនៅប្រទេសឥណ្ឌានឹងចាប់ផ្តើមពី ១.៩៩.៩០០ រូពី៕