រាជធានីភ្នំពេញ ៖ សេចក្តីរាយការណ៍ឱ្យដឹងថា កម្លាំងសមត្ថកិច្ចនគរបាលមន្ទីរប្រឆាំងបទល្មើសគ្រឿងញៀន កាលពីរសៀលថ្ងៃទី១៣ វិច្ឆិកា បានចុះសហការក្នុងកិច្ចប្រតិបត្តិការបង្ក្រាបករណីកែច្នៃជួញដូរគ្រឿងញៀនមួយ នៅចំណុចផ្ទះលេខ៤Z ផ្លូវលេខ១០៣ សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោកឧត្តមសេនីយ៍ឯក ឡឹក វណ្ណៈ នាយកមន្ទីរប្រឆាំងបទល្មើសគ្រឿងញៀន បានថ្លែងឲ្យដឹងថា កិច្ចប្រតិបត្តិការ ដឹកនាំដោយលោកឧត្តមសេនីយ៍ទោ ហម គន្ធី នាយក រងមន្ទីរប្រឆាំងគ្រឿងញៀន ដោយបានប្រើប្រាស់កម្លាំងការិយា ល័យទី៦ ក្រោមការសម្របសម្រួលពីលោក សឿន មុនីរត្ន័ ព្រះរា ជអាជ្ញារង នៃអយ្យការអមសាលាដំបូងរាជធានីភ្នំពេញ នឹងមាន ការចូលរួមពីកម្លាំងអាជ្ញាធរមូលដ្ឋានខណ្ឌចំការមន ផងដែរ ។
លោក ឡឹក វណ្ណៈ បន្តថា ដំណើរការ នៃកិច្ចការងារបង្ក្រាបករណី កែឆ្នៃ ជួញដូរ នូវសារធាតុញៀនខុសច្បាប់នោះ លទ្ធផលសមត្តកិច្ចបានធ្វើការឃាត់ខ្លួនជនសង្ស័យម្នាក់ឈ្មោះ KEK CHIN SENG ភេទប្រុស អាយុ៣៩ឆ្នាំ ជនជាតិចិន-ម៉ាឡេស៊ី ហើយក៏មានការចាប់យកវត្ថុតាង ៖១-សារធាតុញៀនប្រភេទម៉េតំហ្វេតមីន(ICE)ទម្ងន់០,៨៨ ក្រាម ។ ២-សារធាតុញៀនប្រភេទកេតាមីន ទម្ងន់២៩,៥៥ ក្រាម ។ ៣-សារធាតុញៀនប្រភេទនីមេតាហ្សាប៉ាម ទម្ងន់៤៤.៩៩ ក្រាម ។ ៤-សារធាតុញៀនប្រភេទអ៊ិចស្តាស៊ីទឹក និងគោក ទម្ងន់១០៩៩, ៨៧ ក្រាម ។ ៥-សម្ភារសំរាប់កែឆ្នៃមួយចំនួន ។ សរុប.គ្រឿងញៀនគ្រប់ប្រភេទទម្ងន់ ១១៧៥,២៩ ក្រាម ។
ម្សៅសម្រាប់លាយ ទម្ងន់ ១១០៤៩,១២ ក្រាម ។ តាមសមត្ថកិច្ចឲ្យដឹងថា ទីតាំងលួចលាក់កែច្នៃផលិតគ្រឿងញៀនរបស់ជនជាតិចិន ម៉ាឡេស៊ី ខាងលើនេះ គឺមានឧបករណ៍ សម្ភារៈ នឹង សារធាតុផ្សំគ្រឿងញៀនត្រៀមទុកជាស្រេចសម្រាប់តម្រូវការអ្នកកុម៉្មង់ទិញ ដែលអ្នកទិញចង់បានប៉ុន្មានគេ(KEK CHIN SENG)ផលិតឲ្យប៉ុណ្ណឹង មិនអាចផលិតទុកទេ ។ ទោះជាយ៉ាងណា ក្រោយពីឃាត់ខ្លួនជនសង្ស័យ នឹងវត្ថុតាង ត្រូវបានសមត្តកិច្ចកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញតាមនីតិវិធី ៕
ប្រភព៖ កោះសន្តិភាព