បរទេស៖ អាវុធឡាស៊ែរថ្មីនេះ ត្រូវបានគេហៅថា ATHENA វាផលិតឡើងដោយក្រុមហ៊ុនយក្ស Lockheed Martin ជាមួយនឹងការធ្វើតេស្តសាកល្បងនេះផងដែរ គេសង្កេតឃើញថា វាពិតជាអាវុធដ៍ខ្លាំងក្លាដោយអាចបាញ់ទម្លាក់ដ្រូនជាច្រើន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការសាកល្បងនេះបានធ្វើឡើងទាំងសមយុទ្ធមួយរបស់រដ្ឋាភិបាលសហរដ្ឋអាមេរិកនៅឯ Fort Sill រដ្ឋ Oklahoma ។ អាវុធឡាស៊ែរនេះ ត្រូវបានបង្កើតឡើងសម្រាប់កងទ័ពអាកាសអាមេរិក ហើយប្រើប្រាស់វាប្រឆាំងនឹងយន្តហោះដ្រូន ដោយមានជំនួយពីប្រព័ន្ធបញ្ជានិងប្រព័ន្ធត្រួតពិនិត្យរបស់រដ្ឋាភិបាល។
ការផលិតអាវុធឡាស៊ែរ គឺត្រូវការម៉ាស៊ីនដែលមានថាមពលដ៍ខ្លាំងបំផុត មានតូចល្មមអាចចល័តបានជាមួយនឹងភាពរឹងមាំគ្រប់គ្រាន់ដើម្បីដាក់ពង្រាយនៅតាមទីវាល ហើយមានសម្ថភាពអាចតាមដាននិងកំណត់គោលដៅសត្រូវបាន ទោះបីស្ថិតនៅក្នុងចម្ងាយឆ្ងាយ។
លើសពីនេះទៀត អាវុធបែបនេះត្រូវតែអាចប្រើប្រាស់បានជាមួយប្រព័ន្ធបញ្ជាដែលមានស្រាប់ និងឧបករណ៍ចាប់សញ្ញារ៉ាដា។ ការបង្ហាញនេះ គឺជាការផ្តោតទៅលើទីតាំងធ្វើតេស្ត Fort Sill ដែលអាវុធឡាស៊ែរ ATHENA ត្រូវមានមនុស្សម្នាក់ដើម្បីបញ្ជា និងផ្តល់សញ្ញាពីទីតាំងរបស់យន្តហោះដ្រូន ហើយបាញ់វាទម្លាក់ដោយប្រើប្រាស់កាំភ្លើងឡាស៊ែដ៏ខ្លាំងក្លានោះ។
លោកស្រី Sarah Reeves អនុប្រធានកម្មវិធីការពារមីស៊ីលបាននិយាយថា៖
យើងបានមើលនៅក្នុងព័ត៌មានថ្មីៗនេះ ពីដំណោះស្រាយនៃការប្រើប្រាស់អាវុធឡាស៊ែរប្រភេទនេះ វាគឺចាំបាច់សម្រាប់ការទប់ស្កាត់ពីការគំរាមកំហែងប្រភេទយានយន្តគ្មានមនុស្សបើក។ ដូច្នេះនេះ គឺជាពេលវេលាដ៏ស័ក្តិសមមួយសម្រាប់ពួកយើង ដើម្បីមើលការសាកល្បងមួយនេះ។ ការផលិតអាវុធនេះឡើង គឺដើម្បីធានាថាការធ្វើសមាហរណកម្ម និងការការពារជាមួយសមត្ថភាពអាចទទួលយកបានសម្រាប់អ្នកប្រយុទ្ធ៕
Bong I.T