ក្មេងស្រីវ័យ៧ឆ្នាំម្នាក់ អាចនឹងមើលលែងឃើញ ក្រោយពីក្មេងប្រុស៣នាក់នៅសាលារៀនធ្វើបាប ដោយយកកំទេចក្រដាសញុកចូលក្នុងភ្នែក

ចិន៖ ថ្មីៗនេះ ក្មេងស្រីម្នាក់នៅឯខេត្ត Henan ប្រទេសចិន អាចនឹងមើលលែងឃើញ ក្រោយពីក្មេងប្រុស៣នាក់នៅសាលារៀនធ្វើបាប ដោយយកកំទេចក្រដាសញុកចូលក្នុងភ្នែក។

ប្រភពបានឲ្យដឹងថា ក្មេងស្រីរូបនោះ (មិនបញ្ចេញអត្តសញ្ញាណ) មានអាយុ៧ឆ្នាំ ត្រូវបានក្មេងប្រុស៣នាក់នៅសាលារៀនដែលជាមិត្តរួមថ្នាក់ធ្វើបាប ហើយគេតែងតែលាក់បាំងពីឪពុកម្ដាយជានិច្ច។ នៅថ្ងៃមួយ ស្ត្រីជាម្ដាយបានសង្កេតឃើញ មានកំទេចក្រដាសនៅក្នុងភ្នែករបស់កូនស្រី។ បន្ទាប់ពីបានសាកសួររួចមក ទើបកូនស្រីសម្រេចចិត្តប្រាប់ការពិតទៅកាន់ម្ដាយ។

ក្មេងស្រីនោះបានឲ្យដឹងថា នៅសាលារៀន មានក្មេងប្រុសពីរនាក់បានចាប់ជើង និងដៃរបស់នាងជាប់ ចំណែកក្មេងប្រុសម្នាក់ទៀតបានហែកក្រដាសទៅជាកំទេចតូចៗ រួចញុកចូលភ្នែករបស់នាង។

ប្រភពបានបន្ដថា ក្មេងស្រីនោះត្រូវបានបញ្ជូនទៅកាន់មន្ទីរពេទ្យក្នុងទីក្រុង Zhengzhou និង Beijing។ វេជ្ជបណ្ឌិតទាំងអស់បានប្រាប់ថា ពួកគេមិនដែលជួបករណីបែបនេះពីមុនទេ។ វេជ្ជបណ្ឌិតបានយកកំទេចក្រដាសមួយចំនួនចេញពីក្នុងភ្នែករបស់ក្មេងស្រី ប៉ុន្ដែមិនច្បាស់ទេថា នឹងមានកំទេចក្រដាសប៉ុន្មានទៀតដែលនៅសល់។ ការមើលឃើញរបស់ក្មេងស្រីក៏ត្រូវបានចុះខ្សោយផងដែរ។

ក្រោយពីឪពុកម្ដាយរបស់ក្មេងស្រីរាយការណ៍ទៅដល់សាលារួចមក នាយកសាលាបាននិយាយថា៖

យ៉ាងណាមិញ ខាងប្រភពក៏មិនដឹងច្បាស់ដែរថា ឪពុកម្ដាយរបស់ក្មេងស្រីនោះនឹងប្ដឹងប៉ូលិស ឬយ៉ាងណានោះទេ៕

តើប្រិយមិត្តអ្នកអានយល់ឃើញយ៉ាងណាដែរ?

សូមទស្សនារូបភាពខាងក្រោម៖