រាជធានីភ្នំពេញ ៖ បុរសម្នាក់បើករថយន្តមួយគ្រឿងគេចពីម៉ូតូក៏ជ្រុលទៅបុកចិញ្ចើមស្ពានហើយធ្លាក់ចូលក្នុងប្រឡាយលូទឹកស្អុយ សំណាងល្អមិនមាននរណាម្នាក់រងរបួសនោះទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សហេតុការណ៍ខាងលើនេះបានកើតឡើងកាលពីវេលាម៉ោង១០និង៣០នាទីយប់ថ្ងៃទី១៤ ខែវិច្ឆិកា ឆ្នាំ២០១៩ តាមបណ្តោយផ្លូវ6R នៅចំណុចក្បែរនឹងវត្តទួលសង្កែ និងផ្សារសាំហាន់ ស្ថិតនៅក្នុងសង្កាត់ទួលសង្កែទី១ ខណ្ឌឫស្សីកែវ ។
បុរសម្នាក់ខាងលើមិនស្គាល់ឈ្មោះនោះទេ មានអាយុ២២ឆ្នាំ ស្នាក់នៅម្តុំផ្លូវ៥៩២ សង្កាត់បឹងកក់២ ខណ្ឌទួលគោក ជាអ្នកបើករថយន្តមួយគ្រឿងម៉ាក ម៉នីង (Morning) ពណ៌ស្លាទុំ ពាក់ស្លាកលេខ ភ្នំពេញ ២R-៥០៨១ ។
តាមប្រភពពីអ្នកបើកបររថយន្តខាងលើបានប្រាប់អោយដឹងថា មុនពេលកើតហេតុ គាត់បើករថយន្តមួយគ្រឿង ធ្វើដំណើរតាមបណ្តោយផ្លូវ6R ក្នុងទិសដៅពីកើតទៅលិច លុះមកដល់ចំណុចកើតហេតុខាងលើនេះ ស្រាប់តែឃើញមានម៉ូតូ២គ្រឿងបើកមកពីមុខ ទើបគាត់បើកគេចក៏ជ្រុលចង្កូតទៅបុកចិញ្ចើមស្ពានលូ ហើយធ្លាក់ចូលក្នុងប្រឡាយលូទឹកស្អុយតែម្តង សំណាងល្អមិនបានបង្កអោយគ្រោះថ្នាក់ដល់ដទៃ និងខ្លួនឯង នោះទេ គ្រាន់តែរថយន្តរងការខូចខាតប៉ុណ្ណោះ ។
ក្រោយពេលកើតហេតុ សមត្ថកិច្ចក៏បានចុះមកពិនិត្យមើលជុំវិញកន្លែងកើតហេតុ ដោយសារមិនបណ្តាលឱ្យរងការខូចខាតដល់សម្បត្តិរដ្ឋ និងមិនបង្កគ្រោះថ្នាក់ដល់អ្នកដទៃ ទើបសមត្ថកិច្ចឱ្យម្ចាស់ស្ទូចយករថយន្តទៅធ្វើការជួសជុលដោយខ្លួនឯង ៕
ប្រភព៖ កោះសន្តិភាព
Bong I.T