At.Madrid ត្រៀមចំណាយលុយ ៣៤លានទិញយកកីឡាករមួយរូបរបស់ Barcelona នៅទីផ្សារខែមករា

អេស្ប៉ាញ៖ ក្លិប Atletico Madrid មានភាគរយខ្ពស់ក្នុងការនាំយកខ្សែបម្រើរបស់ Barcelona កីឡាករ Ivan Rakitic ក្នុងតម្លៃខ្លន ៣៤លានផោននៅទីផ្សារដោះដូរកីឡាករខែមករាខាងមុខ។

ខ្សែបម្រើជម្រើសជាតិក្រូអាតមិនសូវបានមានឱកាសក្នុងការបង្ហាញខ្លួនជម្រើសដំបូងឲ្យក្លិបអ្នកមានបុណ្យនៅរដូវកាលនេះ ហើយគេអាចនឹងចាកចេញពីកីឡដ្ឋាន Camp Nou នាទីផ្សារដោះដូរកីឡាករទីផ្សារខែមករាខាងមុខនេះ។

ក្លិបធំៗដូចជា Juventus, AC Milan និង Inter Milan សុទ្ធតែបានដាក់ការចាប់អារម្មណ៍មកលើ Rakitic ប៉ុន្តែក្លិប Atletico Madrid ទៅវិញទេដែលគេមើលឃើញថាមានសង្ឃឹមច្រើនក្នុងការនាំយកខ្សែបម្រើដែលជួយឲ្យក្រូអាតឡើងដល់វគ្គផ្ដាច់ព្រ័ត្រ World Cup 2018 រូបនេះ។

បើតាមប្រភពពីក្នុងប្រទេសអេស្ប៉ាញលោក Diego Simeone បានត្រៀមលុយ ៣៤លានផោនរួចរាល់ក្នុងការនាំយក Rakitic នៅដើមឆ្នាំ២០២០ ហើយសង្ឃឹមថានឹងឈានដល់ការព្រមព្រៀងគ្នាជាផ្លូវការក្នុងពេលខាងមុខ។

គួរឲ្យដឹងដែរថា ខ្សែបម្រើវ័យ៣១ឆ្នាំ Rakitic នៅសល់កុងត្រាជាមួយក្លិបមានមូលដ្ឋាននៅតំបន់កាតាឡាន់រហូតដល់រដូវក្ដៅឆ្នាំ២០២១៕

ប្រភព៖ SportsMole