រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា បុរសម្នាក់មានសភាពបែកថ្នាំដោយសារតែប្រើប្រាស់ថ្នាំញៀន ហើយបានឡើងជិះឡានក្រុងដោយមិនបានទិញសំបុត្រឡើយក៏ជិះរថយន្តក្រុងទៅខេត្តកំពង់ធំ ហើយអុកឡុកគេឯងផ្អើលសមត្ថកិច្ចចុះមកដល់ទីតាំងកន្លែងកើតហេតុធ្វើការឃាត់ខ្លួន ហេតុការណ៍នេះបានកើតឡើង កាលពីវេលាម៉ោង១១និង១៥នាទីយប់ ថ្ងៃទី១៤ ខែវិច្ឆិកានេះ តាមបណ្តោយផ្លូវ136 នៅចំណុចចំណតរថយន្តក្រុងសូរិយា ស្ថិតនៅក្នុងសង្កាត់ផ្សារថ្មីទី2 ខណ្ឌដូនពេញ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមប្រភពព័ត៌មានពីសាក្សីដែលឃើញហេតុការណ៍បានឲ្យដឹងថា មុនពេលកើតហេតុខាងលើនេះគេបានឃើញបុរសម្នាក់មិនស្គាល់អត្តសញ្ញាណនោះទេ ហើយក៏មិនដឹងថា ខ្លួនគាត់ដើរមកពីណានោះដែរបានមកអង្គុយលេង ។ មុនកើតហេតុកន្លះម៉ោងជាង ហើយអត់ទិញសំបុត្រឡានក្រុងនោះទេ ក៏ដើរឡើងលើឡានក្រុងសូរិយាតែម្តង ពេលភ្លាមៗនោះដែរ បុគ្គលិកទាំងតៃកុងរថយន្តឡានក្រុងក៏មិនហ៊ានចូលជិតដែរ ដោយសារតែខ្លាចគាត់អុកឡុក និងប្រើប្រាស់អំពើហិង្សាដាក់មកលើរូបគាត់ទើបរាយការណ៍ទៅឲ្យសមត្ថកិច្ចខណ្ឌដូនពេញចុះមកអន្តរាគមន៍លើរឿងនេះតែម្តង ព្រោះគាត់ជាមនុស្សបែកថ្នាំ ។
ពេលសមត្ថកិច្ចសួរនាំទៅជនសង្ស័យខាងលើនេះបាននិយាយថា ខ្លួនចង់ទៅផ្ទះនៅឯខេត្តកំពង់ធំ ហើយអត់ចង់នៅភ្នំពេញដោយសារតែខ្លាចមានគេធ្វើបាប និងរករឿង ហើយគាត់ដកលុយមក៧ម៉ឺនរៀល រួមនឹងសាក់កាដូរមួយមានខោអាវពីរទៅបីសម្រាបតែប៉ុណ្ណោះ ស្រាប់តែបានមួយសន្ទុះក្រោយមកសមត្ថកិច្ចនិយាយទៅជនសង្ស័យខាងលើឲ្យចេញមកក្រៅរថយន្ត ហើយក៏ធ្វើការឃាត់ខ្លួនតែម្តងទៅ ។
ក្រោយពេលកើតហេតុខាងលើជនសង្ស័យត្រូវបានសមត្ថកិច្ចការឃាត់ខ្លួនជាបណ្តោះអាសន្ននៅឯអធិការដ្ឋាននគរបាលខណ្ឌដូនពេញ ដើម្បីធ្វើការចាត់ចែងទៅតាមនីតិវិធី ៕
ប្រភព៖ កោះសន្តិភាព