ខ្លាំងរិះគន់ទៀតទៅ! Hwasa កាន់តែផ្គើនឡើងឆាកអត់ពាក់អាវក្នុង​ បិទមាត់ពួកHater!

កូរ៉េខាងត្បូង៖ កាលពីម្សិលមិញនេះ ក្រុមចម្រៀងនារីកំពុងតែមានប្រជាប្រិយភាព Mamamoo បានវិលត្រឡប់មកវិញជាមួយនឹងបទចម្រៀងថ្មី ប្លែកភ្នែកប្លែកអារម្មណ៍ ចំណងជើងថា «Hip»​។

តួយ៉ាង នៅក្នុងកម្មវិធី Showcase ម្សិលមិញនេះ សមាជិកក្រុមលេចធ្លោម្នាក់ប្រចាំ Mamamoo គឺតារាចម្រៀងស្រីសម្បុរស្រអែមដូចតារាអ៊ឺរ៉ុប Hwasa ក៏បានធ្វើការឆ្លើយតបទៅនឹងសំណួរ ពាក់ព័ន្ធទៅនឹងរឿងដែលនាងមិនពាក់អាវក្នុង នៅឯព្រលានយន្តហោះកាលពីថ្មីៗកន្លងទៅនេះ រហូតធ្វើឲ្យមហាជនផ្ទុះការរិះគន់មិនតិចនោះទេ។

ជាក់ស្តែង ទន្ទឹមនឹងនេះផងដែរ Hwasa ក៏បានធ្វើការឆ្លើយតបយ៉ាងខ្លីថា «ខ្ញុំស្លៀកពាក់អ្វីដែលធ្វើឲ្យខ្លួនឯងមានភាពងាយស្រួល»។ ហើយក្រៅពីនេះ យើងតែងសង្កេតឃើញថា តារាចម្រៀងស្រីវ័យ ២៤ឆ្នាំរូបនេះ មិនធ្លាប់ខ្វល់ខ្វាយរាល់ពាក្យសម្តីរបស់ពួក Hater ឡើយ នាងតែងតែបង្ហាញចេញ នូវអ្វីដែលជាខ្លួននាងយ៉ាងពិតប្រាកដទៅកាន់អ្នកគាំទ្ររបស់នាង។

តួយ៉ាង ក៏ដូចជាបទចម្រៀងថ្មី «Hip» នេះផងដែរ Hwasa នៅតែធ្វើអ្វីដែលខ្លួនពេញចិត្តដដែល ពោលគឺនាងបានប្រលែងខ្លួនមួយទំហឹង ដោយមិនបានពាក់អាវក្នុងឡើងឆាកសម្តែងនោះទេ ដោយស្ទាយ៍បែបនេះកាន់តែធ្វើឲ្យអ្នកគាំទ្រ​ ស្រលាញ់គាំទ្រ Hwasa កាន់តែច្រើនផងដែរ៕