កូរ៉េខាងត្បូង៖ កាលពីថ្មីៗនេះ តារាចម្រៀងប្រុស Dawn សង្សារសំណព្វចិត្តរបស់ តារាចម្រៀងស្រីស៊ិចស៊ី HyunA បានចូលរួមនៅក្នុងកម្មវិធីជជែកកម្សាន្តមួយ របស់ទូរទស្សន៍ MBC ហើយនៅក្នុងនោះលោកក៏បាននិយាយពី ពេលវេលាមួយដែលលោកបានណែនាំ HyunA ទៅជួបឪពុកម្តាយរបស់លោកជាលើកដំបូង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ Dawn បានលើកឡើងថា កន្លងមកលោកនិងHyunA តែងតែចូលចិត្តប៉ះពាល់រាងកាយគ្នា ដូចជាការឱបនិងថើប ហើយនៅពេលមួយឪពុកម្តាយលោកបានមកលេងផ្ទះ ហើយលោកនៅតែមិនអាចគ្រប់គ្រងទម្លាប់មួយនេះបាន ពោលគឺលោកបានថើបនាងនៅចំពោះប៉ាម៉ាក់របស់លោកជាធម្មតា។
Dawn បានបន្ថែមទៀតថា ប៉ាម៉ាក់របស់លោកពួកគាត់មិនធ្លាប់ប្រកាន់រឿងនេះនោះទេ ប៉ុន្តែមើលទៅHyunA នាងមានអារម្មណ៍អៀនច្រើន ហើយពេលខ្លះ ពេលដែលលោកកៀកកើយឱបនាងស្អិតពេកនៅចំពោះមុខចាស់ៗ HyunA តែងតែបញ្ឈប់លោកផងដែរ។
កន្លងមកអ្នកគាំទ្រ Dawn និង HyunA តែងតែដឹងថា គូស្នេហ៍ដ៏គួរឲ្យស្រលាញ់មួយគូនេះ ចូលចិត្តឱបថើបកៀកកើយគ្នាណាស់ ហើយរូបថតរបស់ពួកគេភាគច្រើនគឺសុទ្ធសឹងតែ នៅក្បែរកៀកកិតគ្នាគ្រប់ពេលវេលា សូម្បីតែថតរូបដាក់ទស្សនាវដ្តីក៏ដូច្នោះដែរ៕